MAZMUR 21:4 - Tanou Moonsoi Timugon

⁴ Minatong Kou riso am napataak Kou ra barakat ondo' mauli', am pinasampak Mu karaun mas ra ulu nano.

MAZMUR 21:4 ပူးပေါင်းရင်းမြစ်များ

1 RAJA'-RAJA' 2:33

Ukuman ra namatayan ra ruo ngaulun tutumula' no saanin ri Joab am papag nano saboi ra sabuoi-buoi no. Kaa' masalok Tuhan mangani' ra kasugutan ra papag ru Raja' Daut ondo' nanturung ra kurisi' nano.”

1 RAJA'-RAJA' 2:45

Kaa' mambarakat Io raki' am mangikang ra pamarintaan ru Raja' Daut ra sabuoi-buoi no.”

2 RAJA'-RAJA' 11:12

Kopongo raginio nagibit i Joyada ri Joas miningkual, am nampakaraun ri Joas am nangani' riso ra rondo' ralin ru ukum intor ra pamarintaan ru raja'. I Joas pana linantik boo ra raja' am baal raginio pinatanou ra mamagun. Mamagun nagilakup liliwa' giminolok, “Kaayag no raja'!”

MAZMUR 119:175

Gama' maayag aku maa' raginio mokopongompor aku Rirun; gama' nangatangan Muno mangindangan raki'.

MAZMUR 119:77

Pakaasi' no raki', am maayag aku, sabap ra Ukum Muno mapabansuk ra guang kuno.

MAZMUR 13:3

Kula' buoi ra aku musiti' mansaan ra kapaganan am mangiluk guang ra orou rondom? Kula' buoi ru pantula' kuno manguasa' raki'?

MAZMUR 133:3

Baal raginio koson ayuk ra bolobou rasawat ru Gunung Girmon, ondo' rumatu' ra kabuluran Sion. Ra giu' no, Tuhan mapatuun ra barakat Nano, ioginio kaayagan ra kolondo' pupus.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

MAZMUR 89:29

Tagamin Ku io toojo, am nabantuan Kuno riso mantilayun ra sabuoi-buoi no.

MAZMUR 91:16

Kaawaron Ku umur nilono, am bayagon Ku ilo.”

JAKARIA 6:13

Io noyo ondo' mambaal ra Baloi Kuno am mangapu ra urumat ondo' aniin ru raja', am mamarinta io ra mamagun nano. Sangulun imam mamaya' riso am maguyu mangandoi ra moonsoi.’

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.