MAZMUR 20:8 - Tanou Moonsoi Timugon

⁸ Mokoondo' niayuk ulun malansan ra kurita' kuda nilono, mokoondo' niayuk bokon lumansan ra kuda nilono, kaa' itakau malansan ra kuasa' ru Tuhan, i Aki Kapuuno' takau.

MAZMUR 20:8 ပူးပေါင်းရင်းမြစ်များ

2 RAJA'-RAJA' 19:23

Nangator kou ra ulun sinusub muno koson lumimbau-limbau kou ra saang Kuno, ra mabaya' ra kurita' kuda muno nakajanjang kono ra gunung-gunung masawat kaga' giu' ra Libanon. Masawat ragu muno ra giu' no nantagar kou ra puun sidar ondo' masawat kaga' am puun sipris ondo' moonsoi kaga', am ra nasubol mu kataunan ru Libanon ondo' ujok toojo.

2 TUNUNG RU BANSA' ISRAIL 14:10

Raja' Asa miningkual koson manggal ri Jirag, am sigagama' nangatang ra saujor giu' ra Limayak Jipata mamaar ra Marisa.

2 TUNUNG RU BANSA' ISRAIL 14:11

Nakiasi' Raja' Asa ra Tuhan, i Aki Kapuuno' nano, “Iou Tuhan, masaga' kou mangindangan ra saujor ondo' malawo koson Okou mangindangan ra pulalai ondo' maikang. Raino indangano' akai, iou Tuhan, i Aki Kapuuno' mai, sabap ra lumansan akai Rirun. Ralalom inggalan Muno, akai raino mingkual mangayou ra saujor ondo' maayo ti. Okou no i Aki Kapuuno' mai, iou Tuhan; kolondo' osoi pana malansan makapangala Rirun.”

IJRA 8:22

Manangguang aku makitaak ra pulalai mangkuda intor ra raja' koson magalung ramon intor ra pamulunsaran ru pantula' ralalom ru pangkiralanan. Binaal ku koon raginio sabap ra mambala' aku ra raja' ra i Aki Kapuuno' takau nambarakat ra moonong ulun ondo' lumansan Riso, kaa' sumangit Io am mangukum ra osoi pana ondo' kalo gumagaya' Riso.

MAZMUR 124:8

Pangindangan ritakau ti intor ra Tuhan; ondo' namangun ra limbowon am tana' ti.

MAZMUR 125:1

Rimbai ru ratangan. Ulun ondo' mangintopot ra Tuhan iono koson ra Bulur Sion, ondo' maikang, kalo mauyog ra sabuoi-buoi no.

MAZMUR 33:16

Namanang raja' sala' ka intor ra saujor nano masuang, namanang saujor sala' ka intor ru ikang.

MAZMUR 33:17

Kuda kalo malansanan koson mamanang ra mongoi pangayou; kaikangan ru kuda kalo makabayag.

AMSAL 21:31

Potomposon nilo kuda koson mongoi pangayou, kaa' Tuhan mangaru' ra mamanang.

GOSIA 14:4

Pagun ru Asyur kalo makabayag ramon. Kurita' kuda pana kalo makapanindung ramon. Kalo boo mindagu akai ra sinungkalalaing-sinungkalalaing raginio i Aki Kapuuno' mai. Iou Tuhan, makaasi' Kou ra ulun ondo' kolondo' osoi pana lansanin.”

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

JOSUA 11:4

Raja'-raja' no minatong nabaya' ra pulalai ru saujor nilo, ondo' kinasuang koson ra agis giu' ra raat. Mokoondo' ilo niayuk ra masuang kuda am kurita' kuda.

TINGGANAI RU BANSA' 5:31

Gama' ru ngaangai' pantula' Muno, iou Tuhan, matoi koson ri Sisira; kaa' gama' ru rangan Muno maantak koson ra mato ru orou giu' ra limbowon! Kopongo raginio mamimio pagun no buoi apat ngoopor ngambilor.

1 SAMUIL 17:45

Kon ri Daut, “Okou matong manggal raki' ra ilang, tutura' am tanggulan. Kaa' aku matong manggal rirun ralalom inggalan ru Tuhan Ondo' Maayo Kaga' Kuasa', i Aki Kapuuno' ru saujor Israil ondo' inasaban muno.