MAZMUR 20:6 - Tanou Moonsoi Timugon

⁶ Akai pana magilakup ra okou namanang, am mangantak ra namanangan muno ra mongompor ri Aki Kapuuno' takau. Gama' iowon ru Tuhan no nansalinut kitaakon muno.

MAZMUR 20:6 ပူးပေါင်းရင်းမြစ်များ

1 RAJA'-RAJA' 8:30

Rongogo' noyo pakiasian kutu am pakiasian ru ulun Muno paat ra ilo tumingkuang ra intok ti am makiasi'. Intor ra intok inayanan Muno giu' ra suruga', rongogo' noyo akai am ampuno' noyo akai.

1 RAJA'-RAJA' 8:43

rongogo' noyo pakiasian nano. Rongogo' noyo io intor ra intok inayanan Muno giu' ra suruga', am iowo' noyo kitaakon nano maa' raginio ngaangai' bansa' ra tana' ti makaulig Rirun am gumagaya' Rirun, koson ra ulun Muno Israil. Makapandai ilo boo ra Baloi ondo' binaal kutu iono intok sumambayang Rirun.

MAZMUR 17:7

Patalango' noyo togom Muno ondo' makaimuag no, am bayago' noyo ulun ondo' sumindung Rirun; ra umbir Muno naayag aku intor ra ngaangai' pantula'.

MAZMUR 18:35

Mangubas Io raki' koson mangayou, maa' raginio makabakur ku tanggayan ru panah ra mapakil kaga' no.

MAZMUR 18:50

Ginio ra omporon Tokou ra gino ngai' ru bansa'; am marimbai aku koson mongompor Rirun.

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

MAZMUR 28:8

Tuhan manindung ra ulun Nano; manungka' Io am mamayag ra raja' tinimpok Nano.

MAZMUR 41:11

Pakaasi' noyo raki', iou Tuhan, am babaso' aku no, maa' raginio mabalasan ku pantula'-pantula' kuno.

MAZMUR 9:15

maa' raginio mokopongompor aku Rirun ra saang ru mamagun ru Jirusalim. Magilakup am maansukan aku ra Okou namayag raki'.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 58:9

Bulintok ra akau makiasi', iowon Ku. Bulintok ra akau mampiau, tumaam Aku. Pai' boo pangimpai ra akau ngai', langgai' noyo pantutulaan am manimbaal ra ragu.

JISAYA 63:15

Iou Tuhan, indukui' akai no intor ra suruga', intok inayanan Muno ondo' mapasau am matulai. Ati boo togom am katulayan Muno? Ati boo togom am kaasian Muli? Pai' oroto' ginio ngaangai' ramon.

MIKA 4:5

Moonong bansa' sumamba am gumagaya' ra dewa nilo galama', kaa' itakau sumamba am gumagaya' ra Tuhan, i Aki Kapuuno' takau ra sabuoi-buoi no.

MATIUS 6:9

Sotopot no koson ragitio akau makiasi': ‘Ama' mai giu' ra suruga', omporon inggalan Muno.

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

RINALATAN 2:36

“Ginio ra ngaangai' ulun ru Israil musiti' makapandai ra i Jisus ondo' sinalip mini, Io noyo ondo' sinauk ri Aki Kapuuno' ra Tuhan am Mamamayag!”

RINALATAN 4:10

Akau tingganai am niayuk ngaangai' ulun ru Israil ra bokon musiti' makapandai ra ulun ti ondo' migor ra saang min nababas sabap ra kuasa' ri Jisus Kristus, ulun ru Nasarit. Sinalip min Io, kaa' binayag Io saguli' ri Aki Kapuuno' intor ra kapatayan.

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.