MAZMUR 20:4 - Tanou Moonsoi Timugon

⁴ Gama' ru apuon No nansalinut taak muno am masaga' ra nansalinut taak simbalui muno.

MAZMUR 20:4 ပူးပေါင်းရင်းမြစ်များ

2 SAMUIL 24:23

Tinaakan ri Arauna ngaangai' no ra raja', liliwa' mindagu, “Gama' ru Tuhan, i Aki Kapuuno' muno mangapu ra taak muno.”

2 TUNUNG RU BANSA' ISRAIL 9:12

Nangani' Raja' Salomo ra atan ayuk ondo' kinitaak ru raja' ruandu' ru pagun Syiba. Tinaakan raginio iono pinaruang ra atan ondo' pinataak nano koson mambalos ra taak ru raja' ruandu' no. Kopongo raginio raja' ruandu' ru Syiba am namaya'-namaya' riso no minuli' ra pagun Syiba.

MAZMUR 145:19

Tomposon No ngaangai' kasagaan ru ulun ondo' mangurumat Riso; rongogon No pampiawan nilono am mamayag risilo.

MAZMUR 21:2

Maansukan raja', iou Tuhan, ra Okou napaikang ra raja'; maansukan raja' ra namanangan ondo' pinataak Muno riso.

MAZMUR 37:4

Gogoto' noyo kaayagan moonsoi intor ra Tuhan, am aniin kau saboi majala'.

AMSAL 11:23

Kasagaan ru ulun moonsoi masalok ampos nano moonsoi, kaa' lansanin ru ulun malaat kasangitan.

MATIUS 21:22

Amon ru mangintopot kau Raki', atan ayuk kitaakon min ra akau makiasi', makaalap kau.”

JUANIS 11:42

Nakapandai Aku ra masalok Kou mangkirongog ra pakiasian Kuno. Kaa' rinagu Ku kon raginio, koson giatilo ondo' soroi ragiti mangintopot ra Okou noyo nanusub Raki'.”

JUANIS 16:23

Orou raginio, kalo boo mangkuot kau Raki' ra atan ayuk pana. Balain takamin toojo: Aniin kau ri Ama' ra atan ayuk kitaakon min ralalom ru inggalan Kuno.

TINGGANAI RU BANSA' 13:23

Kaa' taam andu' nano, “Amon masaga' Tuhan mamatoi rito, maaru' kalo masaga' io mangapu ra taak simbalui koson mapabansuk ra guang ru Tuhan am taak simbalui koson paringkuanangan intor rito. Kalo niayuk manulu' Io rito ra ngaangai' baal ragitio, kapoam mambala' raginio rito raino ti.”

1 SAMUIL 26:19

Raja' kuno, rongogo' ragu kutu. Amon ru Tuhan no nanusub rirun maa' raginio gumula' raki', rondo' taak ru taak simbalui makasalui ra sangit Nano raki'. Kaa' amon ru ondo' nanusub rirun no ulun, gama' ru ulason ilo ru Tuhan! Kinibit ru binaal nilono, aku ti pinagiru' noyo intor ra tana' longgom ru Tuhan am minugar kalalaat minongoi ra pagun ra bokon. Giu' no musiti' aku sumambayang ra dewa-dewa ru ulun bansa' ru bokon.