MAZMUR 2:9 - Tanou Moonsoi Timugon

⁹ Kuliagayon mu ilo ra pamarintaan ru kalindu' basi'; kuliagayon mu ilo koson ra pagangan ru tana'.’ ”

MAZMUR 2:9 ပူးပေါင်းရင်းမြစ်များ

MAZMUR 89:23

Ngaangai' pantula' nano kalo makaanggal riso, ulun malaat pana kalo makagula' riso.

JISAYA 30:14

Matutuk kau koson ra pagangan tana', am natutuk kaga' saboi kolondo' tayar mapakai koson pangalapan ra baa, kapoam susuuk panunuuk ra timug intor ra rarapu'.”

JISAYA 60:12

Kaa' bansa'-bansa' ondo' kalo gumagaya' rirun iono pusoon lingono'.

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 19:11

Musiti' aku mambala' risilo ra gitio noyo ragu ru Tuhan Ondo' Maayo Kaga' Kuasa', “Tutukon Ku bansa' am bandar ti saboi masauk koson ra rarapu' ondo' nopoto no am kalo boo mapuna'. Lobongon ru ulun baangkai am poyo giu' ra Topit, sabap ra kolondo' boo intok ra bokon.

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

DANIL 2:45

Nakito muno batu no naratu' galama' intor ra tobo, am niayuk nakatiu' ra sinungkalalaing ondo' binaal intor ra basi', tambaga', tana' lia', pirok am mas no. I Aki Kapuuno' ondo' maayo tatanga' mambala' rirun ra baal ru orou matong. Ginio noyo inupi muno sotopot no, am arati' nano maalap kaintopot.”

MIKA 5:8

Kalaan ru Israil pantula' nilo am mamuso risilo ngaangai'.

MATIUS 21:44

Osoi ayuk maratu' am makaingku' ra batu raginio matutuk; am amon ru batu ti makatiu' ra sasangulun, io no ligison ru batu no saboi saukon ra kaau.]

PINAINTALANG 12:5

Paganak boo ruandu' no ra sangulun anak ungkuyon ondo' inaru' mamarinta ra ngaangai' bansa' ra kuasa' kalo makaasi'. Kaa' anak no ginaau intor ra ruandu' no am inibit mongoi ri Aki Kapuuno' ra saang ru takhta Nano.

PINAINTALANG 19:15

Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.