MAZMUR 2:12 - Tanou Moonsoi Timugon

¹² igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 2:12 ပူးပေါင်းရင်းမြစ်များ

KASAUKAN 41:40

Saukon tokou ra gabenor ra pagun kuti am ngaangai' namagun gumagaya' ra susuban muno. Aku ayuk ondo' makakuasa' poyo intor rirun.

1 RAJA'-RAJA' 19:18

Kaa' mamayag Aku ra tulu' ngaribu ngaulun giu' ra Israil, iono ilo ondo' gumagaya' Raki' am kalo poyo igondo' samba ra Baal, kapoam nangalok riso.”

MAZMUR 1:6

Ulun ondo' gumagaya' ilaan am ampinin ru Tuhan kaa' ulun ondo' malaat makarapog kapaganan maaja'.

MAZMUR 109:20

Iou Tuhan, pantula' kuno ukumi' koson raginio, ilo ondo' mangilaat raki'.

MAZMUR 2:5

Ginalakan No ilo ra sangit, am inilaa' No ilo ra sangit Nano.

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

MAZMUR 31:20

Mapara' kia boo nalimpak bonsoi Muno ondo' inatang Mu ra ulun ondo' mangurumat Rirun. Moonong ulun magilong ra bonsoi ru binaal Muno ra ulun ondo' siminindung Rirun.

MAZMUR 34:8

Malaikat ru Tuhan mantamung ra ulun ondo' mangurumat Riso, am mamayag risilo intor ra makalalaa'.

MAZMUR 34:9

Undasai' noyo galama' kinoonsoi ru Tuhan! Pakaansuk noyo ilo ondo' siminindung Riso!

MAZMUR 40:4

Ilaan No aku marimbai ra rimbai nakabagu, rimbai mongompor ri Aki Kapuuno' takau. Masuang ulun malaa' magilong ra baal ragitio am mangintopot ra Tuhan.

MAZMUR 84:12

Tuhan noyo manindung am raja' takau ra matulai, barakaton No itakau ra kaansayan am katulayan. Kalo ingain No atan-atan ondo' moonsoi intor ra ulun ondo' bayag nano kolondo' ruruko.

AMSAL 16:20

Ulun ondo' mampaguang ra pangilaan ampos nano moonsoi; ulun ondo' mangintopot ra Tuhan makakaansukan.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JIRIMIA 17:7

Kaa' ulun ondo' malansan Raki' masalok Ku barakatin.

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

JIPANYA 2:2

ra akau kalo poyo pagiruon koson ra apol ondo' siobon ru angin. Pakaliman kano ra kalo poyo makasaboi orou sangitan ru Tuhan, am ra akau kalo poyo malumpa' ra sangit ru Tuhan ondo' bibilak.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

ROMA 10:11

Kon poyo ru Buuk Kitab, “Osoi ayuk mangintopot Riso kalo mangkaus.”

ROMA 9:33

Tinulisan noyo ra Buuk Kitab intor ra batu no koson ragitio; “Ilai', mapabanta' Aku ra batu giu' ra Sion, ondo' kasaruan ru ulun, rondo' batu maayo ondo' karatuan ru ulun. Kaa' osoi ayuk mangintopot Riso kalo mangkaus.”

IPISUS 1:12

Polosoo' noyo itakau ondo' intor ragili noyo nakalansan ri Kristus, mongompor ri Aki Kapuuno' ondo' kolondo' pogondo'!

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 PITRUS 2:6

Sabap tinulisan noyo ra Buuk Kitab kon ragino, “Ilai', pinabanta' Ku noyo giu' ra bandar Sion rondo' batu ra mokologo, ondo' pinili' Ku ra batu maatang: am kalo noyo igondo' Io pangkinibit ra pangkausan ra ulun ondo' mangintopot Riso.”

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano: