MAZMUR 19:9 - Tanou Moonsoi Timugon

⁹ Ukum ru Tuhan no motopot, mapabansuk ra guang. Panusuban ru Tuhan no matimpok, manaak ra pangaratian ra ulun.

MAZMUR 19:9 ပူးပေါင်းရင်းမြစ်များ

KASAUKAN 22:12

Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

KASAUKAN 42:18

Paat katalu ra orou, indagu i Jusup risilo, “Aku ti sangulun gumagaya' ri Aki Kapuuno', ampunon takamin ra rondo' kitaakon kuno.

1 RAJA'-RAJA' 18:12

Ati kulaan amon ru Ambiluo ru Tuhan magibit rirun mongoi ra intok ra bokon ondo' kalo mapandayan ru ulun, ra kakaugar ku ayuk mangiruan ra intok ragitio? Paat ra aku mambala' ra raja' ra soroi kou ragiti am raja' no kalo makauyum rirun, mamatoi io raki'. Karaa' noyo, topot-topot aku sumambayang ra Tuhan intor ra aku lakat poyo mamulok.

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

MAZMUR 10:5

Ngaangai' ampos ru kalaatan maalap kogogot ru ulun malaat. Kalo makarati' ilo ra pangakiman ri Aki Kapuuno'; am mataman ilo ra ngaangai' pantula' nilono.

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 115:13

Mambarakat Io ra ngaangai' ulun ondo' mangurumat Riso; ioginio ulun langkaya' kapoam musikin.

MAZMUR 119:1

Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

MAZMUR 119:106

Intopoton ku bantu' ondo' nagibatan kuli, koson mampaguut ra inatang Muno ondo' matimpok.

MAZMUR 119:111

Panusuban Muno longgom kuno ra mantilayun; panusuban Muno mapabansuk ra guang kuno.

MAZMUR 119:142

Katimpakan Muno mantilayun ra sabuoi-buoi no, am Ukum Muno motopot.

MAZMUR 119:39

Painggaluro' aku no ra pagasaban ra kalaa' kuno; mapara' piboo kinoonsoi ru panusuban inatang Muno.

MAZMUR 119:62

Bulintok ra mampayung rondom sumukal aku am mongompor Rirun, sabap ra panusuban Muno matimpok.

MAZMUR 119:7

Bulintok ra aku migila' ra namalantasan Muno ra matimpok, omporon Tokou ra sotopot-topot no.

MAZMUR 119:75

Makapandai aku ra namalantasan Muno matimpok, iou Tuhan, inukum Mu aku sabap ra nampagagayaan Muno.

MAZMUR 12:7

Bantu' ru Tuhan naindon am maintopot; koson ra pirok ondo' pagindulion suruin pangkinaman ra pirok kopoyo.

MAZMUR 147:19

Potonowon No ragu Nano ra ulun Nano, aturan am ukum Nano ra Israil.

MAZMUR 36:1

Ra tingganai ru santimungan maririmbai. Mazmur ri Daut, ulipon ru Tuhan.

MAZMUR 36:6

Iou Tuhan, togom Muno koson sawat ru limbowon, am gagaya' Muno makasuku' ra kinasawat ru gaun.

KAINGKUALAN 21:1

Indagu boo Tuhan ri Musa, “Pataako' aturan ragitio ra ulun ru Israil:

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

JISAYA 26:8

Sumugut akai ra kasagaan Muno am lumansan Rirun; Okou ayuk kaandaman mai.

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

RINALATAN 10:22

Taam ilo, “Tingganai Konilius nanusub ramon mongoi ragiti. Io ti sangulun moonsoi ondo' sumamba ri Aki Kapuuno' am niayuk ngaangai' ulun ru Jaudi mangurumat riso. Sangulun malaikat ru Tuhan nanusub riso mompoongoi rirun ra baloi nano koson mangkirongog ra atan raguon muno.”

ROMA 11:22

Ginio mapandayan takau ra kataawan am ukum ri Aki Kapuuno'. Moporos ukum Nano risilo ondo' matulaan, kaa' mataau Io ramuyun amon ru rumayus kau lumansan ra kataawan Nano. Kaa' amon ru kalo, akau niayuk indaanin No.

ROMA 2:2

Mapandayan takau ukum ri Aki Kapuuno' no motopot ra mangukum Io ra ulun ondo' mambaal koson raginio.

SAGULION 4:8

Kolondo' bansa' ra ati pana, kabalu' pana bansa' maayo, ondo' makaukum matanda' koson ra ukum ondo' nangilaan kuno ramuyun ra orou raiti'.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 16:7

Korongog ku boo bolos intor ra panalaban ra kaminyan no mindagu, “O Tuhan, i Aki Kapuuno' Maayo Kaga' Kuasa'. Motopot am matimpok ukum pinataak Muno risilo!”

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

1 SAMUIL 12:24

Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.