MAZMUR 19:8 - Tanou Moonsoi Timugon

⁸ Ukum ru Tuhan no naukop toojo, mampaligag ra salibuor. Panusuban ru Tuhan no maintopot, manaak ra kapandayan ra ulun ondo' mompogogot no.

MAZMUR 19:8 ပူးပေါင်းရင်းမြစ်များ

KASAUKAN 26:5

Barakaton Tokou, sabap giminagaya' i Abragam Raki' am binaya' no ngaangai' ukum am susuban Kuno.”

2 RAJA'-RAJA' 17:37

Kasalok kano gumagaya' ra ukum am susuban ondo' tinulisan Kuno ramuyun. Pai' samba ra tuhan-tuhan ra bokon,

NIGIMIA 8:12

Ngaangai' ulun no pana minuli'. Nangakan am nanginum ilo liliwa' maansukan, am niayuk nantayar ra akanon ra ulun bokon, sabap ra makapandai ilo ra arati' ru pambasaan ondo' norongog nilono.

NIGIMIA 9:13

Intor ra limbowon timinuun Kou ra Gunung Sinai; Minindagu Kou ra ulun Muno galama'. Nangani' Kou risilo ra ukum, aturan am susuban ondo' matimpok, motopot am mokoonong.

MAZMUR 105:45

maa' raginio ulun Nano gumagaya' ra ukum Nano, am mambaal ra ngaangai' panusuban Nano. Omporo' noyo Tuhan!

MAZMUR 111:7

Tuhan matimpok am mampagagaya' ra atan ondo' baalon Nano; nansalinut panusuban Nano maintopot.

MAZMUR 119:105

Ragu Muno titiu ondo' maningganai raki', am sinda ondo' manampulau ra ralan kuno.

MAZMUR 119:12

Mongompor aku Rirun, iou Tuhan; ilaa' aku maya' ra kasagaan Muno.

MAZMUR 119:121

Nambaal aku no ra baal matimpok am motopot; pai' aku pataako' ra pantula' kuno!

MAZMUR 119:128

Sabap raginio maya' aku ra nansalinut panusuban Muno; masisang aku ra baal ra kalo matanda'.

MAZMUR 119:130

Bala' ru pangilaan Muno manaak ra sinda, manaak ra karatian ra ulun magayantanga' guang.

MAZMUR 119:14

Maansukan guang kuno maya' ra panusuban Muno, koson mokoondo' ra nansalinut rapu'.

MAZMUR 119:143

Kapaganan am pagalabaan lumumpa' raki', kaa' panusuban Muno mapabansuk raki'.

MAZMUR 119:16

Maansayan aku ra ukum Muno; kalo lilianin ku panusuban Muno.

MAZMUR 119:171

Masalok aku mongompor Rirun, sabap ra inila' Mu aku ra ukum Muno.

MAZMUR 119:24

Nangatangan Muno mapabansuk ra guang kuno; am maminson raki'.

MAZMUR 119:40

Gagayaan ku panusuban Muno; anii' aku no ra kaayagan bagu sabap ra Okou noyo matimpok.

MAZMUR 119:54

Rabuoi ru bayag kuno ondo' mariwa' ra tana' ti, panusuban Muno saukon ku ra rimbai.

MAZMUR 119:80

Gama' ru masugut ku ngai' panusuban Muno, am kalo tauyuon aku.

MAZMUR 119:92

Amon ru Ukum Muno kalo makapamansuk raki', maaru' matoi aku noyo intor ra imbolo' kuno.

MAZMUR 12:6

Indagu Tuhan, “Ulun musikin impayin, am ulun inimbolo' mampalaa. Raino niayuk Aku matong mapalinos maya' ra kasagaan nilono.”

MAZMUR 13:3

Kula' buoi ra aku musiti' mansaan ra kapaganan am mangiluk guang ra orou rondom? Kula' buoi ru pantula' kuno manguasa' raki'?

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

MAZMUR 93:5

Ukum Muno mantilayun, iou Tuhan, am Baloi Muno matulai ra sabuoi-buoi no.

KAINGKUALAN 18:16

Amon ru mansangor ruo ngaulun, matong ilo raki' am patasin ku osoi intor risilo ondo' motopot. Mapasaboi aku niayuk ra susuban am ukum ri Aki Kapuuno' risilo.”

AMSAL 2:6

Tuhan noyo manaak ra kapintaran. Katutunan am karatian Io namuun.

AMSAL 30:5

Sinugut ri Aki Kapuuno' ngaangai' bantu' Nano. Io koson ra gagampin ru ngaangai' ulun ondo' makiampin Riso.

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

JISAYA 64:5

Apuon Mu ulun mabanis guang, ondo' maayag sumugut ra kasagaan Muno. Sumangit Kou ramon, kaa' akai lakat makatula. Ioupana Okou sumangit kaga', rayusin mai mambaal ra sala intor poyo ra galing i.

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

ROMA 3:20

Sabap ra kolondo' sangulun pana pobonsoyon ri Aki Kapuuno' sabap ra sumugut io ra panusuban ru Ukum no. Sotopot no, Ukum raginio mambala' ayuk ra itakau ulun makatula.

ROMA 7:22

Maansukan guang kuno ra ukum intor ri Aki Kapuuno'.

ROMA 7:7

Amon ru ginio poyo, atan boo paraguon takau? Malaat kia Ukum ri Musa no? Maaru' kalo! Kaa' Ukum ri Musa niayuk ondo' mampatutun raki' ra atan sotopot no tula. Amon ru kolondo' tinulisan ra Ukum ri Musa no, “Pai' pagingkaut,” maaru' kalo makapandai aku ra arati' ru magingkaut.

GALATIA 2:19

Maya' ra Ukum ri Musa, aku ti naukum noyo ra potoyon – koson ra minatoi aku no – maa' raginio mobonsoi aku saguli' ri Aki Kapuuno'. Koson aku ti pinasimpung noyo ri Kristus ra salip i.

GALATIA 3:21

Gitio kia arati' ra Ukum ri Musa am binantu' ri Aki Kapuuno' mantula' boo? Sotopot no kalo noyo toojo! Sabap ra amon ru nataakan noyo rondo' ukum ugama ondo' makapangani' ra kaayagan ra ulun, am ulun boo mokopobonsoi saguli' ri Aki Kapuuno', amon ru mampagagaya' ilo ayuk ra ukum ugama no.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 16:14

Pakaansuk noyo mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo am napuor ondo' minayan giu' ra bandar-bandar min.