MAZMUR 19:7 - Tanou Moonsoi Timugon

⁷ Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

MAZMUR 19:7 ပူးပေါင်းရင်းမြစ်များ

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

AYUP 23:12

Susuban-susuban ri Aki Kapuuno' masalok gagayaan ku, sumugut aku ra kasagaan Nano, sala' ka kasagaan kuno galama'.

MAZMUR 111:7

Tuhan matimpok am mampagagaya' ra atan ondo' baalon Nano; nansalinut panusuban Nano maintopot.

MAZMUR 119:105

Ragu Muno titiu ondo' maningganai raki', am sinda ondo' manampulau ra ralan kuno.

MAZMUR 119:111

Panusuban Muno longgom kuno ra mantilayun; panusuban Muno mapabansuk ra guang kuno.

MAZMUR 119:130

Bala' ru pangilaan Muno manaak ra sinda, manaak ra karatian ra ulun magayantanga' guang.

MAZMUR 119:14

Maansukan guang kuno maya' ra panusuban Muno, koson mokoondo' ra nansalinut rapu'.

MAZMUR 119:152

Intor ra galing i mapandayan ku pangilaan Muno, ondo' patilayunon Mu ra sabuoi-buoi no.

MAZMUR 119:24

Nangatangan Muno mapabansuk ra guang kuno; am maminson raki'.

MAZMUR 119:72

Kara' ku, Ukum Muno mokologo poyo ka mas kapoam pirok ra tana' ti.

MAZMUR 119:9

Tuu' bagu mokoowot ra kaayagan matanda' amon bayag nano sumugut ra panusuban Muno.

MAZMUR 18:30

Manaak Kou raki' ra kaikangan koson mapakala ra pantula' kuno; am kuasa' ondo' kalo maanggal ru pantula'.

MAZMUR 23:3

Manaak Io raki' ra kaikangan bagu. Mangitang Io raki' mugar ra ralan motopot, sumugut ra bantu' Nali.

MAZMUR 93:5

Ukum Muno mantilayun, iou Tuhan, am Baloi Muno matulai ra sabuoi-buoi no.

AMSAL 1:4

Ulun kolondo' kailian ilaan no saboi makaalap ra pangkaraan malarom, am ulun mamulok ilaan no masauk ra ulun mapandai am makapangkara' koson ra matutuo.

JISAYA 8:16

Akau, maamaya' raki' musiti' no mampauli am magalung ra bilin-bilin ondo' pinataak ri Aki Kapuuno' no raki'.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

RINALATAN 10:43

Io ti noyo ondo' kon ru ngaangai' nabi, osoi ayuk mangintopot Riso, ampunon tula nano ralalom inggalan Nano.”

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

ROMA 3:2

Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JOSUA 1:8

Tutuno' noyo maa' raginio magail Kitab ru Ukum basaan ra ulun Kuno paat akau sumambayang. Igila' noyo ra kitab no ra matawang am rondom; tutuno' noyo maa' raginio gumagaya' kou ra ngaangai' ondo' tinulisan ra ralalom no. Koson raginio noyo okou langkaya' am makasugut.

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.