MAZMUR 19:14 - Tanou Moonsoi Timugon

¹⁴ Palabuso' aku niayuk intor ra tula ondo' siningon; pai' polosoo' ra aku kuasaan ru ginio. Aku pana masauk boo ra ulun kolondo' ruruko, am niayuk makalabus intor ra kasalaan maagat.

MAZMUR 19:14 ပူးပေါင်းရင်းမြစ်များ

AYUP 19:25

Kaa' nakapandai aku ra giu' ra suruga' mokoondo' Mamamayag raki'; pupus nano matong Io mangindangan raki'.

MAZMUR 104:34

Gama' ru rimbai kuno mapabansuk ra guang Nano, sabap ra Io noyo napakaansuk ra guang kuno.

MAZMUR 119:108

Apuo' noyo pakiasian paringkuanangan kuno, iou Tuhan, am ilaa' aku no ra panusuban Muno.

MAZMUR 51:15

Aku pana mangila' ra panusuban Muli ra ulun makatula, maa' raginio sumaguli' ilo Rirun.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

JISAYA 43:14

I Aki Kapuuno' ru Israil, i Aki Kapuuno' ondo' matulai, Tuhan ondo' mamayag ramuyun mindagu, “Atarin Takamin ra saujor koson mamayag ramuyun intor ra Babil; Lunsayon Ku kulobon-kulobon garabang, am pagigindiyan ru namagun Babil makulau masauk ra tangi'.

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

JISAYA 47:4

I Aki Kapuuno' ru Israil, i Aki Kapuuno' ondo' matulai, mapalabus ritakau, inggalan Nano Tuhan Ondo' Maayo Kaga' Kuasa'.

JISAYA 54:5

Namangun rirun no koson ra ralaki muno, i Aki Kapuuno' matulai ru Israil ioginio mamamayag rirun. Tuhan Ondo' Maayo Kaga' Kuasa', ginio noyo inggalan Nano, Io Aki Kapuuno' mangunguasa' ra titikop ru tana' ti.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 11:4

Sabap ra pangintapatan noyo, i Abil nampataak ri Aki Kapuuno' ra taak simbalui ondo' moonsoi poyo intor ra taak ri Kain. Sabap ra pangintapatan nali iniou io ri Aki Kapuuno' koson sangulun motopot, sabap ra taak nali napabansuk ra guang ri Aki Kapuuno'. Kabalu' pana lair noyo io minatoi, kaa' lakat poyo migigila' takau ra tiluan ru pangintapatan nali.

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.