MAZMUR 19:12 - Tanou Moonsoi Timugon

¹² Mangngandoi Muno pinakara' ru ngaangai' raginio; balos moonsoi atangon ra ulun ondo' gumagaya' riso.

MAZMUR 19:12 ပူးပေါင်းရင်းမြစ်များ

AYUP 6:24

Iou noyo, pangila' kano raki' am pakitono' kasalaan kuno. Mongkoror aku mangkirongog ramuyun.

MAZMUR 139:2

Napandayan Mu ngaangai' binaal kuno; intor ra maalur makarati' Kou ra kinara' kuno.

MAZMUR 139:6

Malandom toojo napandayan Muno ra inan kuno; kalo makangkou ru pangkaraan kuno.

MAZMUR 40:12

Iou Tuhan, pai' langgai' makaasi' raki', alungi' aku no ralalom togom am gagaya' Muno.

MAZMUR 51:2

paat ra io sinawai ru Nabi Natan sabap ra nansawa' io ri Batsyiba.

MAZMUR 65:3

sabap ra iniou Mu pakiasian. Ngaangai' ulun rumatong Rirun

MAZMUR 90:8

Giu' ra saang Muno pabalaan Mu tula maino, tula mai ra nakasibuni makito Muno.

KAINGKUALAN 24:12

Indagu boo Tuhan ri Musa, “Ratong noyo Raki' ra rasawat ru gunung. Giu' no mangani' Aku rirun ra ruo batu pamatikan. Batu raginilo noyo pamatikan Ku ra ngaangai' ukum Kuno. Mangani' Aku ra ngaangai' ukum no koson mangila' ra ulun raginilo.”

AMSAL 13:13

Ulun ondo' kalo mampagagaya' ra ragu ri Aki Kapuuno' maninduol ra inan galama', kaa' ulun ondo' gumagaya' ra susuban ri Aki Kapuuno' makaalap ra balos moonsoi.

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.

JIRIMIA 17:9

Guang ru ulun kalo maratian ru osoi pana; guang ru ulun mapintar toojo intor ra ngaangai' no, am maruol nano maingor kaga'.

1 KORINTUS 4:4

Kolondo' nai malimanan ku ra aku makasala, kabalu' pana ra mokoondo' lair. Kaa' Tuhan ayuk mangakim raki'.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.