MAZMUR 19:10 - Tanou Moonsoi Timugon

¹⁰ Mangandoi ayuk ra Tuhan no moonsoi, kolondo' pupus no. Nangaruan ru Tuhan no matimpok, kalo magimbas ra sapapa'.

MAZMUR 19:10 ပူးပေါင်းရင်းမြစ်များ

AYUP 23:12

Susuban-susuban ri Aki Kapuuno' masalok gagayaan ku, sumugut aku ra kasagaan Nano, sala' ka kasagaan kuno galama'.

MAZMUR 119:103

Mapara' piboo tamis ru rinagu Muno, matamis poyo intor ra ruu' ru maningot!

MAZMUR 119:127

Togom kuno ra panusuban Muno nakasail poyo intor ra mas, nakasail poyo intor ra mas kopoyo.

MAZMUR 119:72

Kara' ku, Ukum Muno mokologo poyo ka mas kapoam pirok ra tana' ti.

MAZMUR 63:5

Maringkuanang aku Rirun buoi ru kaayagan kuno; painsawaton ku longon liliwa' makiasi' Rirun.

AMSAL 16:16

Moonsoi poyo makaalap ra kapintaran am katutunan ka makaalap ra mas am pirok.

AMSAL 24:13

Alii ra anak kuno, akan kau ra ruu' maningot sabap ra ruu' no moonsoi. Koson ra ruu' intor ra tambaloi ru maningot matamis ra akanon,

AMSAL 8:19

Ondo' maalap intor raki' makasail poyo ra mas kopoyo; mologo poyo intor ra pirok kopoyo.

PINAINTALANG 10:10

Alapo' ku boo naskhah rinulun boborok no intor ra kalindu' nano am akano' ku. Ralalom ru kabang kuno koson io ra kinatamis ru ruu' maningot, kaa' io notolon ku siminimpait io ra tinai' kuno.