MAZMUR 18:50 - Tanou Moonsoi Timugon

⁵⁰ Ginio ra omporon Tokou ra gino ngai' ru bansa'; am marimbai aku koson mongompor Rirun.

MAZMUR 18:50 ပူးပေါင်းရင်းမြစ်များ

2 SAMUIL 7:13

Io noyo ondo' mambaal Raki' ra baloi, am tutunon Ku maa' raginio saboi ra sabuoi-buoi no sangulun papag nano mamarinta koson ra raja'.

1 TUNUNG RU BANSA' ISRAIL 17:27

Kitaakon ku, kasaga' no mambarakat ra papag kuno maa' raginio magulayun ilo makaliman ra togom Muno ra sabubuoi no. Okou, iou Tuhan, nambarakat noyo risilo am magulayun Kou mambarakat risilo saboi ra sabubuoi no.”

MAZMUR 132:10

Nangatang Kou rondo' bantu' ri Daut, ulipon Muno. Iou Tuhan, pai' noyo impayi' raja' ra pinili' Muno.

MAZMUR 144:10

Pinamanang Mu raja'-raja' no, am namayag ra ulipon Muno, i Daut.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 57:10

Iou Tuhan, maringkuanang aku Rirun intor ra ngaangai' bansa'. Omporon Tokou intor ra ngaangai' ulun.

LUKAS 1:69

Nanusub Io ra Mamamayag ondo' maikang matong ritakau, intor ra papag ru raja' Daut, ulipon Nali.

ROMA 1:3

Tanou Moonsoi no mantunung ra baal ru Anak ri Aki Kapuuno', ioginio Tuhan takau i Jisus Kristus. Maya' ra papag Nano ra tana' ti, Io no sangulun anak ru raja' Daut;

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 2:10

Pantula'-pantula' ru Tuhan mapuso; maningkalur Io intor ra limbowon koson gumula' risilo. Mangakim Tuhan no ra titikop ru tana' ti; Manaak Io ra kuasa' ra raja', am manaak ra kamanangan ra raja' pilion Nano.”