MAZMUR 18:43 - Tanou Moonsoi Timugon

⁴³ Tutukon ku ilo saboi ilo masauk ra kaau ondo' makasiab masampui ru angin; kikinjangin ku ilo koson ra losok giu' ra ralan.

MAZMUR 18:43 ပူးပေါင်းရင်းမြစ်များ

2 SAMUIL 19:9

Ngaangai' ulun ru Israil ra titikop pagun nansasangor ra ilo po ngai'. Konilo ra rondo' am bokon, “Namayag noyo Raja' Daut ritakau intor ra pantula'. Namayag io ritakau intor ra ulun ru Palistin. Kaa' raino nagiru' io intor ri Absalom am nangiruan ra pagun ti.

2 SAMUIL 3:1

Pangayawan ru ulun minaya' ra sasambaloi ru Raja' Saul am ulun minaya' ra sasambaloi ru Raja' Daut narayus nasauk ra nabuoi. Gumaai ikang ru Raja' Daut, kaa' gumaai lawo ru pantula' nano.

MAZMUR 108:9

I Giliad am i Manasi Aku ra longgom, I Ipraim pinakatupi' basi' Kuno, am i Jiuda pinakasusukur ru namarintaan Kuno.

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 52:15

Kaa' ragino masuang bansa' binaal no mangimuag, raja'-raja' kalo makaindagu sabap ra mangimuag. Magilong am makarati' ilo, ondo' buoi ti kalo makapandai ilo.”

JISAYA 55:5

Piawon min bansa'-bansa' suai, am magindibok ilo matong ramuyun, sabap ra Aku, Tuhan i Aki Kapuuno' min, i Aki Kapuuno' matulai ru Israil, sabap ra Aku manulai ramuyun.”

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

ROMA 15:12

Kon poyo ru Nabi Jisaya, “Matong sangulun intor ra papag ru Isai; mamarinta Io ra bansa'-bansa', am lumansan ilo Riso.”

ROMA 15:18

Makakau' aku ayuk mambala' ra atan ondo' binaal ri Kristus ralalom kaayagan kuno ra maningganai ra ulun sala' ka Jaudi gumagaya' ri Aki Kapuuno'. Ginio nasauk ralalom ru atan ondo' rinagu am binaal kuno,

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

IPISUS 1:22

Pinatinduku' noyo ri Aki Kapuuno' ngaangai' no ra saang ri Kristus, am pinasauk Io ra tingganai ru pasimpungan ulun Kristian ralalom ngaangai' baal ru kaayagan nilo sigagama'.

1 PITRUS 2:10

Ragili, akau sala' ka ulun ri Aki Kapuuno', kaa' raino siminauk kano boo ra ulun Nano. Am poyo ragili, pai' ru nakaulig kau ra asi' Nano, kaa' raino ti inasian kau boo.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”