MAZMUR 18:42 - Tanou Moonsoi Timugon

⁴² Gumolok ilo ra makiindangan, kaa' kolondo' osoi-osoi pana mangindangan risilo; mampiau ilo ra Tuhan, kaa' kalo tumaam Io risilo.

MAZMUR 18:42 ပူးပေါင်းရင်းမြစ်များ

2 RAJA'-RAJA' 13:7

Kolondo' boo ra Raja' Jigoagas no pulalai mangayou ondo' ak am limo ngoopor ngaulun saujor mangkuda, mopor kurita' kuda, am mopor ngaribu ngaulun saujor mantana'. Raja' ru Siria namuso ra pulalai mangayou ru Raja' Jigoagas am kikinjangi' no ilo koson ra kaau.

AYUP 27:9

Paat ra masaboi kapupusan, masaga' kia i Aki Kapuuno' mangkirongog ra golok nilo?

MAZMUR 50:22

Rongogo' min, akau ondo' mampalilian Raki', amon ru kalo, pusoon Takamin; am kolondo' sangulun pana makapamayag ramuyun no.

AMSAL 1:28

Bulintok raginio mampiau kau raki', kaa' kalo taamon takamin. Maguyum kau raki' ra ati-ati ayuk kaa' kalo matuum min aku.

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

JISAYA 41:2

Osoi kia naparatong ra mangnguasa' intor ra sirangon, am napamanang riso ra ati ayuk angayan nano? Osoi kia ondo' nangani' riso ra kamanangan ra raja'-raja' am bansa'-bansa'? Ilang nano monotok risilo, pagilayan risilo onongon ayuk ra kaau. Panah nilono mapatabulias risilo koson ra rami masiob ru angin.

JAKARIA 10:5

Mamagun ru Jiuda mamanang koson ra saujor ondo' manginjang-injang ra pantula' ralalom ru losok giu' ra ralan. Mangayou ilo sabap ra Tuhan mabaya' risilo. Kalaan nilo pantula' ondo' mangura' ra kuda.

MALIAKI 4:3

Paat orou raginio mimbuor Aku, am kalaan min ulun malaat. Masauk ilo koson ra kaau ondo' kinjangin min.