MAZMUR 18:21 - Tanou Moonsoi Timugon

²¹ Moonsoi balos ru Tuhan raki' sabap ra nambaal aku ra motopot; nambarakat Io raki' sabap ra kolondo' sala kuno.

MAZMUR 18:21 ပူးပေါင်းရင်းမြစ်များ

2 TUNUNG RU BANSA' ISRAIL 20:32

Koson ra ama' nali ragili, nambaal Raja' Josapat ra atan ondo' motopot ra mato ru Tuhan,

2 TUNUNG RU BANSA' ISRAIL 34:33

Pinuso ru Raja' Josia ngaangai' sinungkalalaing ondo' majamol, ondo' soroi giu' ra titikop wilayah ru ulun ru Israil. Io pana nanusub boo ra mamagun nano musiti' sumambayang ra Tuhan, i Aki Kapuuno' ru kinamatuaan nilo. Ginio ra buoi ru Raja' Josia naayag, narayus ilo giminagaya' ra Tuhan.

MAZMUR 119:102

Kalo lilianin ku ukum Muno, sabap ra Okou noyo nangila' raki'.

MAZMUR 17:4

Kalo mindagu aku ra malaat, koson ra ulun bokon; gagayaan ku panusuban Muno am kalo mampatoi aku.

MAZMUR 26:1

Mazmur ri Daut. Anii' aku ra katimpakan, iou Tuhan, sabap ra nambaal aku ra motopot, am mangintopot aku toojo Rirun ralalom ru guang kuno.

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

AMSAL 8:32

Raino, rongogo' min aku, alii ra ulun mamulok! Gagayaa' min nanuluan kuli, akau pana makakaansayan.

DANIL 6:23

Nangator i Aki Kapuuno' ra malaikat Nano koson mangimut ra kabang ru singa'-singa' no saboi kalo nampajamar raki'. Binaal No koson raginio sabap ra nakapandai Io kolondo' sala kuno, ra Io kapoam ra okou.”

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

1 JUANIS 2:19

Pantula' ri Jisus Kristus ondo' nangiruan ritakau, sotopot no sala' ka itakau po ngai'. Amon ru ulun ilo ru itakau, maaru' sumimpung ilo ritakau. Kaa' ilo ti nangiruan ritakau. Gitio mampakito ra kolondo' sangulun pana intor risilo topot-topot ulun takau.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.