MAZMUR 18:15 - Tanou Moonsoi Timugon

¹⁵ Pabakison No panah Nano am kuliagayon No pantula' Nano; pasasakon No ganit no saboi ilo magiru'.

MAZMUR 18:15 ပူးပေါင်းရင်းမြစ်များ

2 SAMUIL 22:16

Lonor ru raat nasukab, am sonor ru tana' ti nasukiap, paat ra Tuhan nansawai ra pantula' Nano, am nompogolok ra siminangit risilo.

2 RAJA'-RAJA' 19:7

Mangkinibit Tuhan ra raja' ru Asyur no mangining ra rondo' tanou kalo motopot saboi magiru' io muli' ra pagun nano galama'. Mopoloso Tuhan riso potoyon ra giu' no.”

AYUP 36:32

Namparakop Io ra ganit ra kalindu', am nanusub riso tumiu' ra intok kasagaan.

AYUP 4:9

Koson ra rasam am angin, namuso i Aki Kapuuno' risilo, am mabaya' ra sangit Nano mapuso ilo.

MAZMUR 104:5

Inatang Mu pioto' tana' ti ra napasanaran nano, saboi kalo boo igogondo' mauyog.

MAZMUR 106:9

Susubon No Raat Galaga am raat no pana mapua', ibiton No ulun Nano mugar ra raat, koson mugar ra tana' kaagisan.

MAZMUR 144:6

Pasalulaa' noyo ganit, maa' raginio pantula' kuno mantutuliar; palabuso' noyo panah Muno maa' raginio magiru' pantula'.

MAZMUR 74:15

Baalon Mu taur am sungoi tumilis; kinapua' Mu sungoi ra mangaayo.

MAZMUR 76:6

Ulun-ulun baani ginaawan noyo; nokororot ilo am kalo boo sumukal-sukal; ngaangai' kaikangan am kapandayan nilono kolondo' boo onong.

MAZMUR 77:18

Gaun mapawas ra rasam; tingkalur kumuruntung ra limbowon, am timpalak sakurilop ra ati-ati ayuk intok.

MAZMUR 92:10

Makapandai akai ra pantula' Muno pusoon, am ngaangai' ulun malaat kalaan.

KAINGKUALAN 15:8

Sinampui Mu raat saboi timug no siminimpor; timinolorog timug no koson ra rinding batu; lonor nano ra malandom kaga' no nasauk mapua'.

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JIRIMIA 31:37

Amon ru rondo' paat ra limbowon maalap ra tuku', am lonor ru tana' ti maalap kaimumuyi', paat raginio noyo Israil impayin No sabap ra ngaangai' binaal nilo. Nakaindagu noyo Tuhan.

JUNUS 2:6

Timinuun aku saboi ra lonor ru kabuluran, ra intok ondo' garabang kinunsi' suku' ra sabuoi-buoi no. Paat ra painawo kuno mamaar mutus intor ra inan kuno, mangkara' aku ra Tuhan, am mampiau aku Rirun. Okou, iou Tuhan, iningo' pakiasian kuno, giu' ra Baloi Muno ondo' matulai. Intor ra raat ondo' malandom, Okou mamayag raki', iou Tuhan, i Aki Kapuuno' kuno!

MIKA 6:2

Gunung kau ngai', puun ru tana' ondo' mantilayun, rongogo' noyo ondo' pabalaan ru Tuhan! Tuhan mokoondo' ra baal ra ulun Nano am magibit Io ra panguwan ra Israil.

JAKARIA 9:14

Mintalang Tuhan ra ulun Nano; palabuson no anak panah koson ra ganit. Tuhan Raja' manamput ra tarumpit koson ra tatandu' mapaugar ra pamulunsaran, jumalai Io intor ra rabugus giu' ra tatanga' ru bagiu'.

1 SAMUIL 7:10

Tatanga' i Samuil mapataak ra taak simbalui no, tumalimpuun ulun ru Palistin mamulunsar risilo. Kaa' paat raginio niayuk, naningkalur Tuhan intor ra limbowon koson mangayou ra ulun ru Palistin. Nataliajou ilo am nagigiru' ra naubong.