MAZMUR 18:13 - Tanou Moonsoi Timugon

¹³ Intor ra ganit ru saang Nano, riminatu' ais am apui, nansabut ra gaun makapal no.

MAZMUR 18:13 ပူးပေါင်းရင်းမြစ်များ

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

MAZMUR 104:7

kaa' timug pana miit bulintok ra Okou mansawai riso; timug no maaug toojo bulintok ra io makaining ra bolos mosongou Muno.

MAZMUR 11:6

Ulun malaat ukumin No ra lumaag, mabaya' ra baa makasimbula', bilirang am angin ra makaumpo.

MAZMUR 140:10

Pai' polosoo' pantula' kuno mamanang, kaa' polosoon noyo ragu malaat nilono lumumpa' risilo galama'.

MAZMUR 78:48

Pinatoi No tinambiag nilono ra rasam batu, am pinatoi No tinambiag nilono ra ganit.

KAINGKUALAN 20:18

Pakaining ulun ru Israil ra bolos ru tingkalur am bujung, am niayuk nakakito ra ganit am gunung makalisun, nonontol ilo nangalaa' am mininggalur intor ra giu' no.

KAINGKUALAN 9:24

rasam batu ondo' maawas, am ganit nakatiu' ra giu' am giti. Ginio noyo rasam ondo' makalalaa' kaga' ondo' igondo' nasauk buoi ra sejarah ru Misir.

YEHEZKIEL 10:5

Bolos ru kawo ru kirub-kirub no morongog saboi ra liliut ra liwar. Bolos no koson ra bolos ri Aki Kapuuno' Ondo' Maayo Kaga' Kuasa'.

ABAKUK 3:5

Nanusub Kou ra maruol magulu Rirun am nanusub ra kapatayan sumunu' Rirun.

JUANIS 12:29

Ulun masuang ondo' soroi ra giu' i nakaining ra bolos i. Gili ra konilo, “Tingkalur.” Kaa' mokoondo' niayuk minindagu, “Malaikat minindagu Riso.”

SAGULION 32:24

Matoi ilo sabap ra mansalom am bitilan; matoi ilo sabap ra maruol ondo' makalalaa'. Maparatong aku ra bibiag masigo koson mansaam risilo, am kukuo makatuwo koson maninduk risilo.

JOSUA 10:11

Paat ulun ru Amori nagiru' intor ra ulun ru Israil mansail ra pipilon ru gunung, naparatu' Tuhan ra rasam batu risilo ra galur ru ralan saboi ra Ajika, saboi masuang poyo pinatoi ru rasam batu intor ra ondo' pinatoi ru ulun ru Israil.

PINAINTALANG 19:6

Korongog ku boo koson ra bolos ru ulun masuang; koson ra kinapuor ru bosoi maayo am koson ra timpalak mapuor. Norongog ku ilo minindagu ra, “Koompor noyo i Aki Kapuuno'. Sabap ra Tuhan takau i Aki Kapuuno' Maayo Kaga' Kuasa' no mamarinta.

PINAINTALANG 4:5

Intor ra takhta no makabinusasal ru ganit am mokobolos ra tingkalur am timpalak mapuor. Am giu' ra saang no mokoondo' tulu' titiu simininda. Ginio noyo tulu' Ambiluo ri Aki Kapuuno' no.

PINAINTALANG 8:5

Kopongo raginio alapo' boo ru malaikat no pambulian ra kaminyan no; suangi' no ra baa ru apui ondo' inalap intor ra panalaban no am papatiro' no ra tana' ti. Am mokoondo' boo bolos ru timpalak, nabaya' ra ganit am tana' ti mogonggon.

1 SAMUIL 7:10

Tatanga' i Samuil mapataak ra taak simbalui no, tumalimpuun ulun ru Palistin mamulunsar risilo. Kaa' paat raginio niayuk, naningkalur Tuhan intor ra limbowon koson mangayou ra ulun ru Palistin. Nataliajou ilo am nagigiru' ra naubong.