MAZMUR 16:7 - Tanou Moonsoi Timugon

⁷ Mongompor aku ra Tuhan sabap ra mangindangan raki', bulintok molondom bolos ru guang kuno mangila' raki'.

MAZMUR 16:7 ပူးပေါင်းရင်းမြစ်များ

MAZMUR 119:148

Masuaban aku kalo mokororot, sabap ra mangkara' ra pangilaan Muno.

MAZMUR 119:55

Bulintok molondom makara' Tokou, iou Tuhan, am guangon kuno Ukum Muno.

MAZMUR 119:7

Bulintok ra aku migila' ra namalantasan Muno ra matimpok, omporon Tokou ra sotopot-topot no.

MAZMUR 17:3

Mauligan Mu suang ru guang kutu. Bulintok ra Okou rumatong raki' paat molondom, am mangurio Kou toojo raki', kaa' kolondo' guangon malaat maimansaan Mu ra guang kutu.

MAZMUR 22:2

Aki Kapuuno' kuno, iou Aki Kapuuno' kuno, Kua tatango' Mu aku? Mampiau aku Rirun kaa' lakat Kopo maalur, am kalo mangindangan raki'.

MAZMUR 63:6

Salibuor kuno binasug am jinala', am rimbayin Tokou ra rimbai-rimbai mongompor.

MAZMUR 73:21

Bulintok ra guang kuno maruol, am kalimanan ru guang pinilat,

MAZMUR 73:24

Mangila' Kou raki' ralalom ru bilin, am apuon Mu aku ra urumat.

MAZMUR 77:2

Matangil pampiawan kuno ri Aki Kapuuno'; matangil ra aku mampiau maa' raginio morongog No.

MAZMUR 77:6

Makara' ku orou ra galing, orou am bilor ra nakasail.

AMSAL 8:14

Aku noyo manaak ra pambalaan ra moonsoi, am niayuk namuun no. Mapintar aku am maikang.

JISAYA 26:9

Salibuor kuno moondom Rirun bulintok molondom; uyumon Tokou ralalom pirot ru guang kuno. Bulintok ra Okou mangakim ra tana' ti ra maagu no, namagun nano makapandai ra arati' ru katimpakan.

JISAYA 48:17

Ragu ri Aki Kapuuno' ru Israil, i Aki Kapuuno' ondo' matulai, Tuhan Mamamayag ramuyun, “Aku noyo Tuhan, i Aki Kapuuno' mino, mangila' Aku ra atan ondo' moonsoi ramuyun, maningganai Aku ramuyun ra ralan ondo' sotopot bayain min.

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

JIRIMIA 12:2

Tinanom Mu ilo koson ra tutuu', ilo pana nanambakat, timinuu' am nangkawa'. Masalok ilo mindagu ra moonsoi intor Rirun, kaa' ralalom ru guang, sotopot no kalo mampalio ilo Rirun.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

LUKAS 6:12

Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.