MAZMUR 16:11 - Tanou Moonsoi Timugon

¹¹ Tinuluan Mu aku ra ralan kaayagan; rinatangan Muno mapakaantak raki', am magail ayuk mapabansuk raki'.

MAZMUR 16:11 ပူးပေါင်းရင်းမြစ်များ

MAZMUR 139:24

Pangundasa' no ra guang kuno ru mokoondo' kia kalaatan ru inan kuno, am kitango' aku ra ralan mantilayun.

MAZMUR 17:15

Magilong aku Rirun sabap ra kolondo' sala kuno; bulintok ra aku makarat, ratangan Muno makaantak ra guang kuno.

MAZMUR 4:8

Okou nambaal ra guang kuno naansukan kaga' intor ra ulun ondo' nalabaan ra akanon am inumon.

MAZMUR 68:4

Kaa' ulun ri Aki Kapuuno' marikamo am maansukan ra saang Nano; magigindii ilo ra maansukan.

AMSAL 12:28

Ulun ondo' maya' ra ralan motopot kaayagan nano napanu' ra bansuk, ulun ondo' maya' ra ralan malaat makatingkuang ra kapatayan.

AMSAL 2:19

Ulun ondo' minongoi riso iono kalo igondo' sumaguli' ra ralan tumingkuang ra kaayagan.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

AMSAL 5:6

Kalo mokosoloro' io mugar tumingkuang ra kaayagan, kaa' lumisang io intor ra ralan no ondo' kalo matutunan nano.

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

MATIUS 25:33

Lilion No domba-domba ra pamiris am kambing-kambing ra kait.

MATIUS 25:46

Akau ti ukumin ra ukum mantilayun, kaa' ulun motopot mokoowot ra kaayagan mantilayun.”

MATIUS 5:8

Pakaansuk noyo ulun ondo' mapasau guang, sabap ra makakito ilo ri Aki Kapuuno'.

MATIUS 7:14

Kaa' mapisok kulobon am mapagon ralan ondo' sumuku' ra kaayagan motopot. Kalo masuang ulun mokoowot ra kaayagan ragitio.”

MARKUS 16:19

Kopongo ayuk ragu ri Jisus risilo, kayango' Io no ra suruga', am panturung Io ra pamiris ri Aki Kapuuno'.

RINALATAN 2:28

Okou nanulu' raki' ra ralan ondo' mongoi ra kaayagan motopot. Naansukan aku kaga' sabap ra Okou no mabaya' raki'.’

RINALATAN 7:56

Indagu io, “Ilai', nakito ku suruga' no naukab am Anak ru Ulun minigor ra tampilon pamiris ri Aki Kapuuno'!”

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

1 KORINTUS 13:12

Atan ondo' kapandayan takau raino am koson ra asilan ru saramin ondo' kalo makito toojo. Kaa' tauli no makakito takau toojo. Raino ti kalo mapandayan ku ngaangai', kaa' tauli no mapandayan ku boo ngaangai', mogondo' ri Aki Kapuuno' ondo' makapandai ra ngaangai' baal ru kaayagan kuno.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 PITRUS 3:22

am kinayang mongoi ra suruga'. Raino soroi Io ra tampilon pamiris ri Aki Kapuuno' am mamarinta Io ra ngaangai' malaikat, mangunguasa' am ikang ra limbowon.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.