MAZMUR 16:1 - Tanou Moonsoi Timugon

¹ Mazmur ri Daut. Alungi' aku no, iou Aki Kapuuno', sabap ra siminindung aku Rirun.

MAZMUR 16:1 ပူးပေါင်းရင်းမြစ်များ

MAZMUR 116:6

Manindung Tuhan ra ulun kolondo' lulu'; bulintok ra aku makauma' ra makalalaa', bayagon No aku.

MAZMUR 125:1

Rimbai ru ratangan. Ulun ondo' mangintopot ra Tuhan iono koson ra Bulur Sion, ondo' maikang, kalo mauyog ra sabuoi-buoi no.

MAZMUR 146:5

Pakaansuk noyo ulun ondo' inindangan ri Aki Kapuuno' ri Jakub no, am ondo' lumansan ra Tuhan, i Aki Kapuuno' nano;

MAZMUR 17:5

Kaayagan kuno masalok sumugut ra panuluan Muno am kalo igondo' tumalansiang.

MAZMUR 17:8

Sindungi' aku, koson ra unor ru mato Muno galama'; taubi' aku ra kawo Muno,

MAZMUR 22:8

Ngaangai' ulun magilong raki' manganja' raki'; mangundilai am pampisikon nilo ulu.

MAZMUR 25:20

Sindungi' am bayago' aku no; maa' raginio kalo mauyu' aku, sabap ra matong aku Rirun ra makisindung.

MAZMUR 31:23

Malaa' aku ra indoson ku ru manginggalar Tuhan no raki' ra intok ratangan Nano. Kaa' rinongog No nampiawan kuli, paat ra aku makiindangan Riso.

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

MAZMUR 56:1

Ra tingganai ru santimungan maririmbai. Sumugut ra rimbai: Susuit Asang ra kalo naguta' minatong intor ra libung maalur. Mazmur ri Daut, paat ra ulun ru Palistin namparakop riso giu' ra Gat.

MAZMUR 60:1

Ra tingganai ru santimungan maririmbai. Sumugut ra rimbai: Bunga' Bakung noyo sasi'. Mazmur ru Raja' Daut,

MAZMUR 7:1

Sulabit ri Daut ondo' rimbayon no ra Tuhan sabap ri Kus, ulun ru Binjamin no.

MAZMUR 7:2

Iou Tuhan, i Aki Kapuuno' kuno, sumindung aku Rirun; bayago' am palabuso' aku no intor ra ngaangai' ulun ondo' mangasu raki' no.

MAZMUR 84:12

Tuhan noyo manindung am raja' takau ra matulai, barakaton No itakau ra kaansayan am katulayan. Kalo ingain No atan-atan ondo' moonsoi intor ra ulun ondo' bayag nano kolondo' ruruko.

MAZMUR 9:10

Tuhan noyo sindungan ru ulun ondo' inimbolo', intok sindungan paat ra makakapaganan.

MAZMUR 97:10

Motogom Tuhan ra ulun ondo' masisang ra kalaatan; sindungin No kaayagan ru ulun Nano, am mamayag risilo intor ra kuasa' ru ulun malaat.

AMSAL 2:8

Ampinin No ulun ondo' mabanis guang, mangampin ra ulun ondo' gumagaya' Riso.

2 KORINTUS 1:9

Nalimanan mai koson ayuk ra inukum akai noyo ra potoyon. Kaa' sotopot no ginio nasauk, maa' raginio kalo malansan akai ak ra ikang mai galama', kaa' ri Aki Kapuuno' ayuk ondo' mampakaayag ra ulun matoi.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.