MAZMUR 150:3 - Tanou Moonsoi Timugon

³ Omporo' Io ra bujung! Omporo' Io ra gambus am jitor!

MAZMUR 150:3 ပူးပေါင်းရင်းမြစ်များ

2 SAMUIL 6:15

Koon raginio noyo Raja' Daut am ngaangai' mamagun ru Israil nagibit ra Kaban Nabantuan no ra Jirusalim liliwa' magigindii am sinumbaya' ru samput ra bujung.

2 SAMUIL 6:5

Raja' Daut am ngaangai' ulun ru Israil minugar ra saang ru Kaban Nabantuan liliwa' lumigo' am marimbai ra nakai' ikang nilo koson mangurumat ra Tuhan. Nangkuli ilo ra jitor, gambus, rabana, kilintung am simbal.

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

1 TUNUNG RU BANSA' ISRAIL 16:42

I Giman am i Jidutun niayuk manalingapu ra bujung, simbal am niayuk kuliamos miujik ra bokon ondo' pinakai koson kulion paiison ra rimbai-rimbai pangamparan. Ulun-ulun ru bansa' ri Jidutun pinangandoi koson magalung ra kulobon-kulobon garabang.

1 TUNUNG RU BANSA' ISRAIL 25:1

Koson maningganai ra upacara-upacara ru sambayang, Raja' Daut am tingganai ru ulun ru Liwi nampili' ra bansa'-bansa' intor ra bansa' ru Liwi ragitilo: I Asap, Giman am Jidutun. Ilo pinangandoi koson mampasaboi ra tanou intor ri Aki Kapuuno' am sumbayaan ra jitor, gambus am simbal. Koson maningganai ra sambayang am upacara nano, pinili' pulalai ragitilo:

2 TUNUNG RU BANSA' ISRAIL 20:28

Paat ra ilo nakasaboi giu' ra bandar, minongoi ilo ra Baloi ru Tuhan, am sinumbaya' ra jitor am bujung.

MAZMUR 108:2

Mangintopot aku Rirun, iou Aki Kapuuno'! Marimbai am mongompor aku Rirun! Singkarat noyo, alii ra salibuor kuno!

MAZMUR 149:3

Omporo' noyo inggalan Nano ralalom ru ligo'; omporo' noyo inggalan Nano ondo' kayusin ra jitor am asasin ra tamburing.

MAZMUR 33:2

Paringkuanang kano ra Tuhan no sumbayaan ra jitor, paririmbai kano ondo' sumbayaan ru jitor.

MAZMUR 92:3

mapabala' ra togom Muno ra moonong susuab ti, am gagaya' Muno ra moonong rondom ti,

DANIL 3:5

Mokorongog kau ra bolos ru bujung, sumunu' bolos ru suling, rebab, gambus, jitor am kuliamos miujik ra bokon. Makatalimpuun ayuk miujik, akau musiti' migulatur am sumamba ra sinungkalalaing mas ondo' pinabigor ru Raja' Nibukadnijar.

UNTABAN 10:10

Koson raginio niayuk paat ra akau munsag; paat pangiantakan Sila' Bagu am pangiantakan ra bokon, samputi' noyo bujung-bujung raginio paat ra akau mapataak ra taak simbalui koson mapabansuk ra guang Kuno am taak simbalui koson makibarakat Raki', am mangindangan Aku ramuyun. Aku noyo Tuhan, i Aki Kapuuno' min.”