MAZMUR 15:5 - Tanou Moonsoi Timugon

⁵ ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

MAZMUR 15:5 ပူးပေါင်းရင်းမြစ်များ

MAZMUR 106:3

Pakaansuk noyo ulun ondo' mambaal ra matimpok, ondo' masalok mambaal ra motopot.

MAZMUR 112:6

Ulun ra moonsoi kalo igogondo' pamungawo; karaan io ra sabuoi-buoi no.

MAZMUR 16:8

Malimanan ku ra Tuhan matong; soroi Kou minggaar raki', kolondo' rondo' pana makauyog raki'.

MAZMUR 55:22

Ragu-ragu nano maamis kaga' makimasi', kaa' guang nano natikop ra sisang; ragu-ragu nano molomoi kaga', kaa' tumobok ra guang koson ra ilang malarom.

KAINGKUALAN 22:24

Sumangit Aku am mamatoi ramuyun ralalom pangayawan. Mangapuor andu' min am anak min kolondo' ama'.

KAINGKUALAN 22:25

“Amon ru mapaira' kau ra ruit ra sangulun musikin ra popolos ru ulun Kuno, pai' ikanuo' koson ra ondo' mapaira' ra ruit ondo' makitaak ra bunga' ru ruit.

AMSAL 10:30

Ulun mabanis guang, kaayagan nano matanda', kaa' ulun malaat kalo makaayan ra tana' tungkuson nano.

AMSAL 12:3

Kolondo' sangulun pana bayagon intor ra kalaatan, kaa' ulun mabanis guang mantilayun am kalo mauyog.

AMSAL 15:27

Ulun maguyum ra mauli' kaa' ralalom ralan kalo matanda', mapakapagon risilo sambaloi. Ulun ra kalo maambi' maawar painawo.

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

YEHEZKIEL 18:17

Kalo masaga' io mambaal ra kalaatan am kalo makitaak ra bunga' paat mampaira' ra ruit. Sumugut io ra susuban Kuno am gumagaya' ra ukum Kuno. Ulun no kalo matoi sabap ra tula ru ama' nano, kaa' maaru' maayag io.

YEHEZKIEL 18:27

Paat ra sangulun malaat lumonggo' mambaal ra tula, am tumalimpuun mambaal ra matimpok am moonsoi, namayag ulun no ra kaayagan nano.

YEHEZKIEL 18:8

Kalo makitaak io ra bunga' paat mampaira' ra ruit. Kalo masaga' io mambaal ra malaat am mamatas io ra matimpok ralalom ru moonong pansangaran.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

MATIUS 26:15

“Atan panganian min raki' amon ru pataakin ku i Jisus ramuyun?” Panguntob ilo talu ngoopor ruit pirok am taaki' ri Judas.

JUANIS 13:17

Amon ru makapandai kau raginio, mulu' poyo bansuk min amon ru suguton min.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

SAGULION 23:21

“Amon ru mokoondo' kau nazar ra Tuhan i Aki Kapuuno' min, pai' lungkang manugut ra nazar no. Sikaan ru Tuhan nazar mino, am makatula kau amon ru kalo suguton ginio.

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”