MAZMUR 15:2 - Tanou Moonsoi Timugon

² Ulun ondo' naayag ra kolondo' ruruko am moonsoi binaal nano, mabanis guang am mindagu ra motopot,

MAZMUR 15:2 ပူးပေါင်းရင်းမြစ်များ

MAZMUR 24:4

Ulun ondo' mabanis pampaguangan am moonsoi pangkaraan, ondo' kalo sumamba ra sinungkalalaing, kapoam mambaal ra bantu' ra magabau.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

AMSAL 20:7

Pakaansuk noyo anak-anak ondo' mokoondo' ra ama' ondo' mabanis guang am matimpok.

AMSAL 28:18

Ulun mabanis guang bayagon, kaa' ulun ra namparuung iono pusoon ra sangkuliop ayuk.

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

MIKA 2:7

Guang min kia' ra Israil ti inulas? Kalo kia' mokoorot Tuhan? Topot kia' mambaal Io ra baal koson raginio? Sala' ka kia mindagu Io ra molomoi ra ulun ondo' mambaal ra motopot?”

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

RINALATAN 10:35

Intor ra ngaangai' bansa', osoi ayuk pana sumamba ri Aki Kapuuno' am mambaal ra motopot, ulun no apuon ri Aki Kapuuno'.

ROMA 2:10

Kaa' moonong ulun ondo' mambaal ra moonsoi aniin ri Aki Kapuuno' ra katulayan, urumat am kaansayan; kasaa' ra ulun ru Jaudi am niayuk sala' ka Jaudi.

GALATIA 2:14

Kaa' paat ra aku nakakito ra kalo minaya' ilo toojo ra katapatan ru Tanou Moonsoi no, indagu aku ri Pitrus ra saang ru ngaangai' ulun ra giu' no, “Okou ti sangulun ru Jaudi, kaa' kaayagan muno koson ra ulun sala' ka Jaudi. Amon koson poyo raginio, ati kulaan okou mampajajal ra ulun sala' ka Jaudi sumugut ra kaulayan ru ulun ru Jaudi?”

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

KOLOSI 3:9

Ginio boo ra pai' kau pagabau ra rondo' am bokon sabap ra kaayagan am paliso nakalair min i iniruanan min noyo.

IBRANI 11:33

Sabap ra pangintapatan noyo kinala nilo pagun-pagun ra bokon am namanang ilo. Nambaal ilo ra motopot am nokoowot ra atan ondo' binantu' ri Aki Kapuuno' risilo. Kinuasa' nilo singa' saboi kalo nansaam risilo.

1 JUANIS 2:29

Nakapandai kano ri Jisus Kristus naayag maya' ra kasagaan ri Aki Kapuuno'. Ginio boo ra akau musiti' makapandai ra moonong ulun ondo' maayag maya' ra kasagaan ri Aki Kapuuno', io no anak ri Aki Kapuuno'.

1 JUANIS 2:6

Osoi ayuk mindagu ra maayag io sumimpung ri Aki Kapuuno', musiti' io maayag koson ra bayag ri Jisus Kristus.

1 JUANIS 3:7

Pabukat kau ngaangai', pai' min polosoo' osoi ayuk pana mamparuung ramuyun. Ulun ondo' mambaal ra kasagaan ri Aki Kapuuno', io ti ulun motopot koson ri Jisus Kristus niayuk motopot.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”