MAZMUR 149:4 - Tanou Moonsoi Timugon

⁴ Maansukan Tuhan no ra ulun Nano; pamanangon No ulun ra minggana' guang.

MAZMUR 149:4 ပူးပေါင်းရင်းမြစ်များ

MAZMUR 117:2

Togom Nano ritakau mapiot toojo, gagaya' Nano mantilayun! Omporo' noyo Tuhan!

MAZMUR 132:16

Imam-imam nano mapakito ra pamayagan intor Raki', am ulun-ulun nano magigindii ra maansukan.

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MAZMUR 22:8

Ngaangai' ulun magilong raki' manganja' raki'; mangundilai am pampisikon nilo ulu.

MAZMUR 35:27

Gama' ru ulun gumogot magilong ra aku saukon ra motopot, magitapap maansukan am ruruli' mindagu, “Tuhan no matulai kaga'; maansukan Io magilong ra linangkayaan ru ulipon Nano!”

MAZMUR 90:17

Iou Tuhan, i Aki Kapuuno' mai, barakato' akai no, am anii' akai ra ampos moonsoi ra atan ayuk kondoyon mai.

AMSAL 11:20

Masisang Tuhan ra ulun malaat guang, kaa' tagamin No ulun ra kolondo' ruruko.

RIMBAI PANGAMPARAN 1:11

Baalin mai okou ra sisigot mas, busakin ra sisigot pirok.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JIRIMIA 32:41

Mabaya' ra guang makaansuk mambaal Aku ra moonsoi risilo, am palayunon Ku ilo ra pagun ti ra sabubuoi no.

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

IBRANI 12:10

Lapos am ila' ru ama' takano ondo' maya' ra pamaguangan nilo moonsoi, sotopot no kalo mantilayun; kaa' lapos am ila' ri Aki Kapuuno' inatang No ritakau, maa' raginio kolondo' boo tula takau mogondo' Riso.

1 PITRUS 3:4

Kaa' kataluran ondo' sotopot no, ioginio guang min, ra makapaliso kau ra molomoi am guang pantataan. Gitio nai boo ondo' mantilayun no am mokologo toojo ra pagilangan ri Aki Kapuuno'.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.