MAZMUR 147:8 - Tanou Moonsoi Timugon

⁸ Pinabingkal No gaun ra limbowon; pinatuun No rasam ra tana' ti, am napatuu' ra sakot giu' ra bulur.

MAZMUR 147:8 ပူးပေါင်းရင်းမြစ်များ

KASAUKAN 9:14

Paat ra matauban limbowon ru gaun am makito bulintung no, ginio mapakara' Raki' ra bantu' Kuno ramuyun am ngaangai' ondo' maayag ra kalo boo luuson Ku ra rosob ngaangai' ondo' maayag.

AYUP 5:10

Rinasam No tana' am nanguas ra umo saboi maasa'.

MAZMUR 135:1

Omporo' noyo Tuhan! Omporo' noyo inggalan ru Tuhan, akau ulipon ru Tuhan

AMSAL 27:25

Tatason min sakot am timungon koson pamamakan ra bibiag mino, kaa' liliwa' raginio sakot ra nakabagu tumuu'.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”