MAZMUR 147:2 - Tanou Moonsoi Timugon

² Tuhan napatapuli' ra Jirusalim; Ibiton No ulun ru Israil sumaguli' intor ra namatiran.

MAZMUR 147:2 ပူးပေါင်းရင်းမြစ်များ

NIGIMIA 6:15

Kopongo nangandoi buoi 52 ngoorou, ngaangai' timbok no nopongo pinuna' paat ra orou karuo ngoopor am limo ra sila' Ilul.

NIGIMIA 6:16

Pokorongog pantula'-pantula' mai intor ra pagun-pagun paginggaar ra baal raginio, nakaliman ilo ra tinauyu' ilo, sabap ra moonong ulun nakapandai ra kandoi raginio binaal ra indangan ri Aki Kapuuno' galama'.

NIGIMIA 7:4

Jirusalim bandar ondo' maayo, kaa' mamagun nano kalo masuang, am kalo poyo masuang baloi ondo' binaal ra giu' no.

MAZMUR 102:17

Amon Sion no baalon saguli' ru Tuhan, pabalaan No katulayan Nano.

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

JISAYA 14:32

Atan kia pataamon takau ra ulun-ulun sinusub ru ulun ru Palistin? Balain takau ra Tuhan noyo napabigor ra Sion, am ulun Nano naimbolo' makaalap ra sindungan ra giu'.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JISAYA 62:7

Musiti' ilo marayus mapakara' Riso, saboi Io mapatapuli' ra Jirusalim, am saukon ginio ra bandar ondo' sasabiton ra titikop ra tana' ti.

JIRIMIA 31:10

Indagu Tuhan, “Rongog kano bansa' kau ngaangai'! Potonowo' noyo tanou Kuno ra sandaup ru raat Ulun Kuno ondo' pinantutuliar Kuno timungon Ku am alungin Ku koson ra magagalung mantamung ra domba nano.

JIRIMIA 31:4

Kaikangon Ku saguli' intok min. Igondo' poyo ra mangalap kau ra tamburing am mansayau ra maansukan.

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

MIKA 4:6

Mindagu Tuhan, “Makasuku' paat ra Aku manimung ra ulun ondo' ukumin Kuno, ilo ondo' naimbolo' ralalom pamatiran.

JAKARIA 8:7

Mamayag Aku ra ulun Kuno intor ra pagun-pagun intok ilo pinatiran,

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.

SAGULION 30:3

am Tuhan i Aki Kapuuno' min pana makaasi' ramuyun. Magibit Io ramuyun sumaguli' intor ra pagun-pagun intok Io nampatutuliar ramuyun, am napasauk ramuyun ra langkaya' saguli'.