MAZMUR 147:14 - Tanou Moonsoi Timugon

¹⁴ Magalung Io ra kaansayan ru pagun muno am basugon kou ra gandum ra moonsoi kaga'.

MAZMUR 147:14 ပူးပေါင်းရင်းမြစ်များ

MAZMUR 81:16

Kukumin Ku ulun masisang Raki'; am ukumin ilo ra sabuoi-buoi no.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

MAZMUR 132:15

Aniin Ku Sion ra atan ayuk guangon no saboi lumuab-luab; ulun nano ra musikin basugon Ku ra akanon.

SAGULION 32:14

Sapi' am kambing nilo nanangampos ra masuang gatas; mokoondo' ilo ra domba, kambing am sapi' ondo' moonsoi kaga', am niayuk gandum, am niayuk wain ondo' moonsoi kaga'.

JAKARIA 9:8

Alungin Ku tana' Kuno am kalo mangiou ra pantula' mansail. Kalo boo polosoon Ku ulun malaat mangimbolo' ra ulun Kuno. Nakito Ku noyo kaimbalaan ru ulun Kuno.”

JISAYA 66:12

Mindagu Tuhan, “Aniin Takamin ra kinalangkayaan ra sabuoi-buoi no. Kinalangkayaan ru pagun-pagun ra bokon tumilis ra pagun muno koson ra sungoi ondo' kalo igondo' kapua'. Masauk kau koson ra anak ondo' patition ru ina' nano, ondo' kubibilon am tagamin.

MAZMUR 122:6

Pakiasi' noyo koson ra kaansayan ru Jirusalim, “Gama' ulun ondo' motogom rirun no lumangkaya'.

1 TUNUNG RU BANSA' ISRAIL 22:9

Kabalu' pana raginio binantu' No noyo raki'. Ragu Nano, ‘Mokoondo' kou ra sangulun anak ungkuyon, am mamarinta io ra matanda' sabap ra mangindangan Aku riso saboi kolondo' pantula' ondo' mangayou riso. Inggalanin io ri Salomo, sabap paat ra pamarintaan nano, baalon Ku Israil ra moonsoi am mamimio.

IMAMAT 26:6

“Maparatong Aku ra kaansayan giu' ra pagun mino saboi mokokolong kau ra kalo malaa' ra osoi pana. Liomon Ku bibiag mangasigo giu' ra pagun no, am pangayawan pana kolondo' boo.

YEHEZKIEL 27:17

Jiuda am Israil nambali ra kuliamos muno am binayaran ra gandum, ruu' maningot, umau jaitun am apa' pampagamis ra akanon.

MAZMUR 132:11

Tuhan nambaal ra bantu' am pator ri Daut; suguton No bantu' Nano. Kon No, “Sangulun ra anak muno saukon Ku ra raja', koson mamarinta am sumuali rirun.

YEHEZKIEL 16:13

Limpor muno binaal intor ra mas am pirok, am bayang muno binaal intor ra linon, sutera am konoon mokoondo' ra sulam. Nangakan kou ra ruti' ondo' binaal intor ra gandum moonsoi kaga', naratok ra ruu' ru maningot am umau jaitun. Kinantalur muno suai toojo, saboi kou nasauk ra ruandu' mapasau.