MAZMUR 147:13 - Tanou Moonsoi Timugon

¹³ Pioton No kulobon garabang Muno; mambarakat Io ra ulun Nano.

MAZMUR 147:13 ပူးပေါင်းရင်းမြစ်များ

NIGIMIA 12:30

Imam-imam am ulun-ulun ru Liwi nampaugar ra upacara pamasawan ra tayar ru inan nilo galama', am tauli no ra tayar mamagun am niayuk tayar ra kulobon garabang am timbok ru bandar.

NIGIMIA 6:1

I Sanbalat, i Tobia, i Gisyim am pantula'-pantula' mai ra bokon nokorongog ra nopongo mai noyo namuna' ra timbok no, am ra ngaangai' luang nano sinilian noyo, kabalu' pana paat raginio kalo poyo pinaatang mai angob-angob ru kulobon ra kulobon-kulobon garabang.

NIGIMIA 7:1

Kopongo timbok no pinuna', nanusub aku maa' raginio angob-angob ru kulobon garabang paatangon. Aku pana nanusub boo ra ulun-ulun magalung ra kulobon garabang, ulun-ulun marimbai am ulun-ulun ru Liwi nampaugar ra kandoi ru sigagama'.

NIGIMIA 7:3

Nambala' aku risilo maa' raginio kalo ukabin kulobon garabang ra kalo poyo sumirang mato ru orou, am maa' raginio angabin ra mapaatang ra pangalor ra kalo poyo ulun magagalung muli' paat ra mamai' orou. Nanusub aku niayuk risilo magakut kukula' ngaulun magagalung ra gino ngai' mamagun ru Jirusalim, am mapaayan ra santayaran intor risilo giu' ra intok-intok ondo' inaru', liliwa' bokon no mongoi pagilong giu' ra liliut ru baloi ru sigagama'.

MAZMUR 125:2

Koson ra ngaangai' gunung manindung ra Jirusalim, koon niayuk ra Tuhan manindung ra ulun Nano, raino saboi ra sabuoi-buoi no.

MAZMUR 144:12

Gama' ru ngaangai' anak ungkuyon takau ra mangamulok masauk koson ra tutuu' ondo' malabung. Gama' ru ngaangai' anak ruandu' takau masauk koson ra lugu' mapasau ondo' makaantak ra linsuk-linsuk ru istana.

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

JIRIMIA 33:10

Indagu Tuhan, “Kon ru ulun ra intok ti koson ra tana' kaagisan, am kolondo' ulun kapoam bibiag ondo' minayan ragiti. Ragu nilo tojojo motopot, sabap ra bandar-bandar Jiuda am ralan-ralan giu' ra Jirusalim masiluk ngaangai' no; kolondo' ulun am bibiag ondo' minayan ra giu' no. Kaa' giu' ra intok-intok raginio morongog poyo

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

SULABOI 4:12

Gino ngai' ru raja'-raja' am mamagun ru tana' ti kolondo' sangulun pana ondo' mangintopot ra kulobon garabang ru Jirusalim nasubol ru pantula'.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.