MAZMUR 146:6 - Tanou Moonsoi Timugon

⁶ Io noyo i Aki Kapuuno' ondo' namangun ra limbowon, tana' ti am raat, am niayuk ngaangai' suang nano. Masalok Io manugut ra bantu' Nano;

MAZMUR 146:6 ပူးပေါင်းရင်းမြစ်များ

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

MAZMUR 100:5

Tuhan no moonsoi; Tagamin No ulun Nano am gagayaan No ilo ra sabuoi-buoi no.

MAZMUR 115:15

Gama' ru barakaton kau ru Tuhan, ondo' namangun ra limbowon am tana' ti.

MAZMUR 117:2

Togom Nano ritakau mapiot toojo, gagaya' Nano mantilayun! Omporo' noyo Tuhan!

MAZMUR 33:6

Intor ra kuasa' ru Tuhan no sinauk No limbowon, mato ru orou, bulan am butitin sinauk sumugut ra bala' Nano.

MAZMUR 89:2

Iou Tuhan, kalo langgain ku marimbai ra togom Muno ra mantilayun; potonowon ku gagaya' Muno ra sabuoi-buoi no.

MAZMUR 89:33

ukumin Ku ilo sabap ra tula nilo, am mangkinibit ra ilo maimbolo' sabap ra nasalaan nilo.

MAZMUR 95:5

Kuasaan No raat ondo' binangun Nano, am niayuk lantur ra binangun Nano.

MAZMUR 98:3

Suguton No bantu' Nano ra ulun ru Israil, ulun Nano ralalom ru katagaman am gagaya' Nano risilo. Ngaangai' bansa' ra titikop ru tana' ti nakakito noyo ra kamanangan ri Aki Kapuuno' takau.

KAINGKUALAN 20:11

Buoi onom ngoorou Aku, Tuhan nambaal ra tana' ti, limbowon, raat am ngaangai' ondo' soroi ralalom no, kaa' paat ra orou ra katulu' timinangus Aku. Ginio ra Aku Tuhan mambarakat ra orou Sabat am patimpokon ginio Raki'.

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

DANIL 9:4

Pakiasi' aku ra Tuhan, i Aki Kapuuno' kuno, am nangiou ra tula ru bansa' kuno ra saang Nano. Indagu aku, “Iou Tuhan, i Aki Kapuuno', Okou maayo, am mangurumat akai Rirun. Manugut Kou ra nabantuan Muno, am magail Kou motogom ra ulun ondo' motogom Rirun am ondo' gumagaya' ra susuban Muno.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

JUANIS 1:3

Mansail Riso ngaangai' inangun ri Aki Kapuuno', am kolondo' rondo' pana nasauk ru kalio Io.

JUANIS 10:34

Indagu i Jisus risilo, “Kalo kia tinulisan noyo ra Ukum ri Musa, kon ri Aki Kapuuno', ‘Akau no tuhan’?

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

SAGULION 7:9

Karaa' noyo ra Tuhan i Aki Kapuuno' min rorondo' ayuk i Aki Kapuuno', am toojo Io manutun. Manugut Io ra nabantuan Nano am magail mapakito ra togom Nano ra saribu papag ru ulun ondo' motogom Riso, am ondo' gumagaya' ra ukum Nano,

KOLOSI 1:16

Sabap ralalom Nano niayuk i Aki Kapuuno' nampasauk ra ngaangai' ondo' giu' ra suruga' am niayuk giti ra tana' ti: ioginio ngaangai' ondo' maalap kakito kapoam kalo; ngaangai' ondo' manguasa' am mamarinta ra ati ayuk giu' ra rasawat kapoam ra tana' ti. Ngaangai' ru tana' am limbowon sinauk ri Aki Kapuuno' ralalom ri Jisus Kristus koson mangurumat Riso.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

PINAINTALANG 14:7

Minindagu io ra bolos mosongou, “Urumato' i Aki Kapuuno' am omporo' min kuasa' Nano. Sabap ra nasuku' noyo orou pangakiman ri Aki Kapuuno' ra ulun. Sambaa' noyo Io ondo' nampasauk ra limbowon, tana', raat am ngaangai' taur ru timug!”