MAZMUR 146:5 - Tanou Moonsoi Timugon

⁵ Pakaansuk noyo ulun ondo' inindangan ri Aki Kapuuno' ri Jakub no, am ondo' lumansan ra Tuhan, i Aki Kapuuno' nano;

MAZMUR 146:5 ပူးပေါင်းရင်းမြစ်များ

KASAUKAN 50:17

nambilin io ramon mambala' rirun, ‘Ampuno' noyo kalaatan ondo' binaal ru pagaka'-pagaka' muno ragili.’ Raino, ampuno' noyo kasalaan mai, ra akai ti ulipon ri Aki Kapuuno' ondo' sambaan ru ama' takali.” Nantangi' i Jusup nakaapu ra bilin no.

MAZMUR 144:15

Pakaansuk noyo bansa' koson raginio, pakaansuk noyo ulun ondo' i Aki Kapuuno' nilono Tuhan!

MAZMUR 20:8

Mokoondo' niayuk ulun malansan ra kurita' kuda nilono, mokoondo' niayuk bokon lumansan ra kuda nilono, kaa' itakau malansan ra kuasa' ru Tuhan, i Aki Kapuuno' takau.

MAZMUR 33:12

Pakaansuk noyo bansa' ondo' mangiou ra Tuhan noyo i Aki Kapuuno' no; pakaansuk noyo bansa' ondo' pinili' koson ra longgom Nano!

MAZMUR 39:7

kaayagan nilo mansail koson ra babara'. Ngaangai' ru baalon nilono kolondo' onong; mangumung ilo ra rapu', kaa' kalo napandayan nilo osoi manungkus no.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

MAZMUR 46:8

Tuhan Ondo' Maayo Kaga' Kuasa' mabaya' ritakau; i Aki Kapuuno' ri Jakub manindung ritakau.

MAZMUR 71:5

Iou Tuhan Raja', malansan aku Rirun; mangintopot aku Rirun intor poyo ra kinamuloko' kuno.

MAZMUR 84:12

Tuhan noyo manindung am raja' takau ra matulai, barakaton No itakau ra kaansayan am katulayan. Kalo ingain No atan-atan ondo' moonsoi intor ra ulun ondo' bayag nano kolondo' ruruko.

MAZMUR 84:8

Kinaikang nilono gumaai-gaai; muma' ilo ri Aki Kapuuno' ra Bulur Sion.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

AMSAL 16:20

Ulun ondo' mampaguang ra pangilaan ampos nano moonsoi; ulun ondo' mangintopot ra Tuhan makakaansukan.

SAGULION 33:29

Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.