MAZMUR 145:9 - Tanou Moonsoi Timugon

⁹ Moonsoi Io ra moonong ulun, am makaasi' ra ngaangai' binaal Nano.

MAZMUR 145:9 ပူးပေါင်းရင်းမြစ်များ

KASAUKAN 9:10

am ngaangai' ondo' maayag, iono susuit am ngaangai' bibiag ru lantur am ngaangai' ondo' miningkual intor ra kapal no mababaya' ramuyun.

MAZMUR 100:5

Tuhan no moonsoi; Tagamin No ulun Nano am gagayaan No ilo ra sabuoi-buoi no.

MAZMUR 104:27

Ngaangai' no lumansan Rirun, makipakan paat masuku' bulintok maangkan.

MAZMUR 25:8

Sabap ra Tuhan no moonsoi am matimpok, tuluin No ulun nakalayau no ra ralan.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

JUNUS 4:11

Maaru' Aku makaasi' poyo ra Niniwi, bandar ondo' maayo no sabap ra giu' no mokoondo' nasailan ra 120,000 ngaulun lalaing ondo' kalo mapandai mampasuai ati moonsoi am ati malaat, am niayuk masuang kaga' bibiag.”

NAGUM 1:7

Tuhan no moonsoi; manindung Io ra ulun Nano paat ra ilo mapagon, magalung Io ra ulun ondo' sumindung Riso.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

RINALATAN 17:25

Mokoondo' Io no ngaangai' am kalo pana indanganon ru ulun. Kaa' Io ondo' nangani' ra ngaangai' ulun ra painawo am kaayagan am atan-atan ayuk.