MAZMUR 145:17 - Tanou Moonsoi Timugon

¹⁷ Matimpok toojo atan ayuk pana baalon ru Tuhan, am makaasi' Io ra atan ayuk pana baalon Nano.

MAZMUR 145:17 ပူးပေါင်းရင်းမြစ်များ

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

JIPANYA 3:5

Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

MAZMUR 103:6

Saungon ru Tuhan ulun ra inimpayan am baalon Nano maya' ra katimpakan.

PINAINTALANG 19:11

Kakito ku boo suruga' no naukab am mokoondo' sanginan kuda mapulak. Ondo' nangura' no ininggalanan i Mampagagaya' am i Motopot. Matimpok Io ra mangukum am mangayou ra bokon.

MAZMUR 116:5

Tuhan no motogom am matimpok; i Aki Kapuuno' takau no natikop ra katagaman.

MAZMUR 89:14

Mapara' piboo gayo ru kuasa' Muno, am mapara' piboo gayo ru kinaikang Muno!

MAZMUR 50:6

Limbowon napatanou ra katimpakan ri Aki Kapuuno', sabap ri Aki Kapuuno' noyo akim.

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

2 SAMUIL 22:31

Mapara' kinaindon ru binaal ri Aki Kapuuno' ti, ragu ru Tuhan maintopot. Io koson ra perisai ra tayar ru ngaangai' ulun ondo' sumindung Riso.

AYUP 34:10

Akau ulun mapandai, rongog kano! Nambaal kia i Aki Kapuuno' Ondo' Maayo Kaga' Kuasa' ra baal ondo' nasala?

AYUP 34:12

I Aki Kapuuno' Ondo' Maayo Kaga' Kuasa' kalo nambaal ra kalaatan; ngaangai' ulun aniin No ra katimpakan.

MAZMUR 112:4

Sinda mapaang ralalom kalandaman ra tayar ru ulun ondo' mabanis guang; makaasi' io, motogom, am matimpok.