MAZMUR 145:10 - Tanou Moonsoi Timugon

¹⁰ Ngaangai' ilo ondo' maayag ra binaal Muno mongompor Rirun, iou Tuhan, am ngaangai' ulun Muno maringkuanang Rirun.

MAZMUR 145:10 ပူးပေါင်းရင်းမြစ်များ

MAZMUR 103:22

Omporo' noyo Tuhan, ngaangai' binangun ra titikop intok ra pinarinta Nano. Omporo' noyo Tuhan, alii ra salibuor kuno!

MAZMUR 104:24

Iou Tuhan, masuang kaga' binangun Muno! matuyu' toojo kandoi nambaalan Muno! tana' napanu' ra nansalinut ondo' maayag ra binaal Muno.

MAZMUR 149:5

Musiti' no maansukan ulun ri Aki Kapuuno' sabap ra namanang ilo, am masuaban ilo maririmbai ra maansukan.

MAZMUR 19:1

Ra tingganai ru santimungan maririmbai. Mazmur ri Daut.

MAZMUR 22:23

Potonowon ku ra ngaangai' ulun kuno atan ondo' binaal Muno raki'; am ralalom pantitimungan nilo omporon Tokou.

MAZMUR 30:4

Mansawai Kou raki' mongoi ra kapatayan, am napalabus raki' intor ra intokon ru ngaangai' ulun ondo' namagatoi.

MAZMUR 30:5

Rimbayo' pangamparan ra Tuhan, akau ulun Nano ondo' gumagaya'! Karaa' noyo atan ondo' binaal ru Io Ondo' Matulai Kaga' am maringkuanang Riso!

MAZMUR 32:11

Pakaansuk kano, akau ulun ra motopot, sabap ra ngaangai' ondo' binaal ru Tuhan. Pagilakup am pakaansuk no, akau ngaangai' ulun mabanis guang.

MAZMUR 57:9

Singkarat no, alii salibuor kuno! Singkarat no, alii gambus am jitor! Pasingkaraton ku mato ru orou!

MAZMUR 68:26

Ulun maririmbai mugar pagulu am ulun mangkuli ra miujik tumauli, am ralaa mangasas ra tamburing mangkilolot risilo.

MAZMUR 69:35

Omporo' noyo i Aki Kapuuno', akau limbowon am tana', raat am ngaangai' ilo ondo' maayag ra ralalom nano!

MAZMUR 97:12

Pakaansuk no, akau ngaangai' ondo' mabanis guang, sabap ra atan ondo' binaal ru Tuhan. Karaa' noyo binaal ri Aki Kapuuno' ondo' matulai, am paringkuanang no Riso.

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.