MAZMUR 144:14 - Tanou Moonsoi Timugon

¹⁴ Gama' ru sapi' takano pana mansayat, ra kolondo' pana matatak kapoam mairuan. Gama' ru kolondo' tinangian ra naimbolo' ondo' maining ra ralan-ralan ru bandar takau.

MAZMUR 144:14 ပူးပေါင်းရင်းမြစ်များ

SAGULION 28:7

“Kalaan ru Tuhan pantula' paat ra ilo mamulunsar ramuyun. Mamulunsar ilo ra inatang, kaa' tauli mantuliar ra magiru'.

JIRIMIA 14:18

Paat ra aku minongoi ra padang, nakakito aku ra baangkai pinatoi ra pangayawan. Paat ra aku minongoi ra bandar, nakakito aku ra ulun matikapatoi ra naitilan. Nabi am imam nampaugar ra kandoi ra kalo mangarati' ra atan ondo' baalon.”

JIRIMIA 14:2

“Mangiluk guang ru Jiuda; mamagun ru bandar nano mamaar matoi. Liminuya' ilo ra tana' am mampalaa; gumolok Jirusalim makiindangan.

JISAYA 24:11

Ulun sogolok-golok ra ralan sabap nakayaan ra wain. Kaansukan pinuso noyo ra tana' ra sabuoi-buoi no.

1 SAMUIL 31:7

Pokorongog ulun ru Israil ondo' giu' ra sandaup ru Limayak Jijriil am giu' ra tampilon ru Sungoi Jordan ra nagigiru' noyo saujor ru Israil, am ra Raja' Saul am anak-anak ungkuyon nano minatoi noyo, ilo pana nangiruan ra bandar nilono am nagigiru'. Kopongo raginio minatong ulun ru Palistin am ayan ra bandar-bandar no.

TINGGANAI RU BANSA' 6:6

am kalo makalulu' ulun ru Israil manggal risilo.

TINGGANAI RU BANSA' 6:3

Moonong ra ulun ru Israil mantanom, matong ulun ru Midian mababaya' ra ulun ru Amalik am bansa' ra bokon intor ra tana' kaagisan, am mamulunsar ra ulun ru Israil.

TINGGANAI RU BANSA' 5:8

Pangayawan pana nasauk giu' ra ralalom ru pagun paat ra ulun ru Israil tumalimpuun sumamba ra dewa. Kolondo' rondo' pana kinandoi mangayou kinayang ru apat ngoopor ngaribu ngaulun ru Israil.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

IMAMAT 26:6

“Maparatong Aku ra kaansayan giu' ra pagun mino saboi mokokolong kau ra kalo malaa' ra osoi pana. Liomon Ku bibiag mangasigo giu' ra pagun no, am pangayawan pana kolondo' boo.

AYUP 39:11

Malansanan mu kia ikang ru sapi' masigo ondo' maikang am lumansan riso mambaal ra kandoi muno ra maagat?

JISAYA 65:19

Aku galama' maantak guang sabap ra Jirusalim am mamagun nano. Giu' no kolondo' boo tinangian kapoam mampiau koson makiindangan.