13 Gama' ru kalukub takano napanu' ra nansalinut ampos ru kandoi ra tana' ti. Gama' ru domba giu' ra umo takau mansasayat saboi kaaparan ribu suang nano.
Ampos ru tinanom mino masuang kaga' saboi maukop ra sambilor. Mulu' poyo ingkualon min kalalaat suwo ru kinumos ra lair maa' raginio makapambulian ra ondo' kumoson bagu.
Ampos ru tatanom mino masuang kaga' saboi lakat poyo mangkumos kau ra gandum paat pangupuan ra kawa' ru anggur, am lakat poyo mangupu' kau ra kawa' ru anggur paat pantanaman ra gandum. Mokoowot kau ra akanon ondo' maukop, am maayag mamio-mio giu' ra pagun mino.
Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.
“Barakatin noyo akau saboi masuang anak min, ampos ru tatanom min maulian am masuang sapi' am niayuk domba min.
“Mambarakat Tuhan i Aki Kapuuno' min ra pirot min am mamanu' ra gudang min ra gandum. Mambarakat Io ramuyun giu' ra tana' ondo' taakin Nano ramuyun.
Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.