MAZMUR 144:12 - Tanou Moonsoi Timugon

¹² Gama' ru ngaangai' anak ungkuyon takau ra mangamulok masauk koson ra tutuu' ondo' malabung. Gama' ru ngaangai' anak ruandu' takau masauk koson ra lugu' mapasau ondo' makaantak ra linsuk-linsuk ru istana.

MAZMUR 144:12 ပူးပေါင်းရင်းမြစ်များ

AYUP 42:15

Kolondo' ralaa ra titikop ru pagun ondo' mantalur koson ra anak-anak ruandu' ri Ayup. Nanungkus ilo ra rapu' ri Ayup nababaya' ra pabukat ungkuyon nilo.

MAZMUR 128:3

Andu' muno masauk koson ra puun ru anggur ondo' malabung ra ralalom ru baloi muno, am ngaangai' anak muno koson ayuk ra abung ru jaitun ondo' nakaliput ra mija' muno.

SULABOI 4:2

Ragili kamulakan ungkuyon ru bandar Sion koson ra mas ondo' mokologo, kaa' raino pinamakuan risilo koson ra rarapu' tembikar.

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

SAGULION 7:13

Motogom am mambarakat Io ramuyun, maa' raginio rumuang kau am makaalap kau ra masuang anak. Mambarakat Io ra umo min maa' raginio kaulian kau ra gandum, wain am umau jaitun. Mambarakat Io ramuyun am manaak ramuyun ra masuang bibiag tinambiag am domba. Manaak Io ramuyun ra ngaangai' barakat ti giu' ra tana' ondo' binantu' Nano ramuyun, sumugut ra bantu' Nano ra kinamatuaan min.