MAZMUR 143:7 - Tanou Moonsoi Timugon

⁷ Taamo' aku mataki', iou Tuhan, malawo guang kuno. Pai' pansibuni intor raki', maa' raginio kalo masauk aku koson ra ulun nakatuun noyo ra intok kapatayan.

MAZMUR 143:7 ပူးပေါင်းရင်းမြစ်များ

MAZMUR 102:2

Rongogo' noyo pakiasian kuno, iou Tuhan, rongogo' noyo pampiawan kuno makiindangan.

MAZMUR 22:24

Koompor noyo Io, akau ngaangai' ulun mangintopot ra Tuhan! urumato' min Io, akau ngaangai' papag ri Jakub; sambaa' min Io, akau ngaangai' ulun ru Israil!

MAZMUR 27:9

pai' pasibunio' inan Muno intor raki'. Pai' no sangit am kasisang raki'. Okou noyo siminauk ra mangingindangan raki'. Pai' aku tatango' kapoam mangimpai raki', iou Aki Kapuuno', mamamayag raki'!

MAZMUR 28:1

Mazmur ri Daut. Iou Tuhan, manungka' raki', mampiau aku Rirun. Rongogo' noyo golok kutu! Amon ru kalo iowon Mu pakiasian kutu, aku ti koson ayuk ra ulun ondo' sumubol ra luang ru lobong.

MAZMUR 40:17

Gama' ru ngaangai' ulun ondo' rumatong Rirun maansukan am maantak guang! Gama' ru maringkuanang ilo ra pamayagan Muno masalok mindagu, “Matulai kaga' Tuhan no!”

MAZMUR 69:17

Iowo' noyo pakiasian kuno, iou Tuhan, sabap ra Okou moonsoi am magulayun monogom; ra asi' Muno ondo' maayo, kailio' aku no!

MAZMUR 69:18

Pai' noyo pansibuni intor ra ulipon Mutu; makakapaganan aku toojo – ribaki' noyo indangano' aku!

MAZMUR 69:3

matikolosor aku ra losok malandom, am kolondo' kinjangan; nalinjob aku ra timug malandom, am kinulun ru timug mamaar poyo mopolosor raki'.

MAZMUR 70:5

Gama' ru ngaangai' ulun matong Rirun no maansukan am marikamo. Gama' ru ngaangai' ulun maringkuanang sabap ra pamayagan Muno masalok mindagu ra, “Mapara' boo kinatulai ri Aki Kapuuno'!”

MAZMUR 71:12

Iou Aki Kapuuno', pai' aku inggaluri', iou Aki Kapuuno' kuno, ribaki' noyo mangindangan raki'!

MAZMUR 84:2

Mapara' piboo kinoonsoi ru Baloi Muno, iou Tuhan Ondo' Maayo Kaga' Kuasa'!

AMSAL 13:12

Bulintok kalansanan matutuk, guang pana matutuk; bulintok ra gogoton masugut, guang maansukan.

JISAYA 38:18

Kolondo' sangulun pana ra namagatoi mongompor Rirun; ulun minatoi kalo lumansan ra gagaya' Muno.

JISAYA 57:16

Aku noyo napaayag ra ulun Kuno. Kalo rayusin Ku manguu' risilo, am kalo masalok sumangit risilo.

JISAYA 8:17

Nansibuni Tuhan no intor ra ulun Nano, kaa' mangintopot aku am malansan Riso.

LUKAS 21:26

Malausan ayuk ulun sabap ra malaa' toojo magilong ra atan masauk giti ra tana' ti, sabap ra ngaangai' kuasa' ru limbowon no ugogon.