MAZMUR 142:4 - Tanou Moonsoi Timugon

⁴ Bulintok ra aku lumawo, mapandayan No atan baalon kuno. Ralan ra musiti' bayaan kuno, pantula' kuno napataan ra jajaling mamparakop raki'.

MAZMUR 142:4 ပူးပေါင်းရင်းမြစ်များ

AYUP 11:20

Kaa' ulun malaat mampulolou am maubong; kalo nakatuum ilo ra ralan ingkualan. Rondo' ayuk kalansanan nilo iono maminawo ra pupus toojo.”

MAZMUR 1:6

Ulun ondo' gumagaya' ilaan am ampinin ru Tuhan kaa' ulun ondo' malaat makarapog kapaganan maaja'.

MAZMUR 140:6

Ulun malilimbau mapabatang ra jajaling koson mamparakop raki'; pabatangon nilo kalat koson mamparakop raki', am kinaawar ru ralan pabaugon nilo jajaling koson mamparakop raki'.

MAZMUR 141:9

Ampini' aku maa' raginio kalo makasulung aku ra jajaling ondo' pinataan nilo koson raki', pinataan ru ulun malaat.

MAZMUR 143:4

Intor raginio guang kuno malawo, kolondo' lulu' kuno.

MAZMUR 31:11

Guang mangiluk napariwa' ra bayag kuno, am pantangian ru guang napariwa' ra painawo kuno. Kapaganan kuno nangkinibit ra inan kuno kalo maligag, am niayuk bungul kuno mongopopol.

MAZMUR 69:20

Nakapandai Kou ati kulaan ra aku asabin am ati kulaan ra aku tauyuon am iison; nakito Mu ngai' pantula' kuno.

MAZMUR 88:18

Ngaangai' raginio koson ra liur ondo' liminiput raki' buoi ru songorou, am manguyung raki' intor ra moonong tingkuangan.

MAZMUR 88:8

Sinumangit Kou kaga' raki', sangit Muno koson ayuk ra kinulun ru raat ondo' lumapos raki'.

JIRIMIA 18:22

Polosoon noyo ulun mantakou matong ra baloi nilo ra mamulali', saboi gumolok ilo ra malaa'. Nangkali ilo ra luang maa' raginio maratu' aku ra ralalom no, am nampakaang ilo ra landak koson mamparakop raki'.

JIRIMIA 25:35

Maaru' kalo makapagiru' kau.

JIRIMIA 30:17

Kabalu' pana mindagu pantula' min, ‘Sion pinatiran noyo, am kolondo' mampalio riso,’ kaa' akau paligagon Ku saguli', am pilat min kapalion Ku.”

JUNUS 2:8

Ilo ondo' sumamba ra sinungkalalaing ondo' kolondo' onong, mangiruan Rirun am kalo boo gumagaya'.

MATIUS 26:56

Kaa' ngaangai' baal ragitio maaru' masauk koson mampainono' ondo' tinulisan ru nabi-nabi ra Buuk Kitab.” Ngaangai' maamaya' Nano pana nagiru' boo nangiruan ri Jisus.

2 TIMOTIUS 4:16

Paat ra aku binisara' ra kasaa' i, kolondo' sangulun kon pana nangindangan raki'. Ngaangai' boo nangiruan raki'. Gama' ru i Aki Kapuuno' kalo noyo mampakasala risilo ra baal ragitio.

1 SAMUIL 27:1

Nangkara' i Daut, “Atan pana kulaan niayuk, rondo' orou no Raja' Saul no mamatoi raki'. Moonsoi poyo magiru' aku giu' ra pagun ru ulun ru Palistin. Mopongo raginio Raja' Saul no kalo boo maguyum raki' giu' ra Israil, am aku pana mamimio.”