MAZMUR 141:5 - Tanou Moonsoi Timugon

⁵ Masaga' aku mangapu ra ukuman am sawai intor ra ulun moonsoi, kaa' kalo masaga' aku mangapu ra pangamparan intor ra ulun malaat sabap ra magail aku makiasi' manggal ra kalaatan nilono.

MAZMUR 141:5 ပူးပေါင်းရင်းမြစ်များ

2 TUNUNG RU BANSA' ISRAIL 25:16

Kaa' pinutat ru Raja' Amajia ragu am indagu, “Intor sanggilan kia akai nampalantik rirun nasauk ra paminson ru raja'? Pongkoror, amon ru kalo, potoyon kou!” Kalo poyo nongkoror nabi no, indagu io, “Raino bagu no mapandayan ku ra mingkotog i Aki Kapuuno' koson mamuso rirun sabap ra ngaangai' ru binaal muno, am niayuk sabap ra kalo linio mu pinson kutu.”

MAZMUR 125:4

Iou Tuhan, koonsoi no ra ulun moonsoi, ra ulun ondo' sumugut ra panusuban Muno.

MAZMUR 23:5

Pinaatang Mu nansalinut akanon am inumon no raki', ra saang ru pantula' kuno; umaan Mu aku koson ra tambului maatang ondo' urumaton am lingigin Mu sangkir kuno suku' mototop.

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

AMSAL 12:1

Ulun ondo' motogom ra katutunan matasu' makaalap ra sawai, kaa' ondo' kalo masaga' sawayon iono ulun sasambungon.

AMSAL 15:22

Inatangan masauk amon ru sumbayanin ra masuang bilin; inatangan kalo masauk amon ru kalo sumbayanin ra kamaanan ru guang.

AMSAL 15:5

Ulun sasambungon mangimpai ra ilaan ru ama', kaa' ulun mapintar mampalio ra sawai.

AMSAL 19:25

Amon ru ulun malilimbau ukumin, ulun sasambungon makaalap ra pangilaan. Amon ru ulun ra mapintar sawayon, masauk io ra mapintar toojo.

AMSAL 25:12

Sawai ru ulun mapintar no ra ulun masaga' mangkirongog iono mokologo poyo ka sinsing mas kapoam kuliamos ru limpor.

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

MAMPATANOU 7:5

Moonsoi poyo sinawai ru ulun mapintar intor ra inompor ru ulun kolondo' katandaan.

IMAMAT 19:17

“Pai' kalikokot ra osoi pana. Salasayo' noyo pansangaran muno riso, maa' raginio kolondo' tula muno sabap ra ulun no.

MATIUS 5:44

Kaa' raino ti balain takamin: Tagami' noyo pantula' mino am pakiasi' kano koson ra ulun ondo' mangimbolo' ramuyun,

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.