MAZMUR 14:1 - Tanou Moonsoi Timugon

¹ Ra tingganai santimungan maririmbai. Mazmur ri Daut. Ulun budu mindagu ralalom ru guang, “Kolondo' i Aki Kapuuno'.” Ngaangai' ilo malaat am masaga' ilo mambaal ra malaat; Kolondo' sangulun pana mambaal ra moonsoi.

MAZMUR 14:1 ပူးပေါင်းရင်းမြစ်များ

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

AYUP 15:16

Atan poyo ulun ondo' majamol am kolondo' onong, ondo' manginum ra kalaatan koson ra timug ayuk.

AYUP 22:13

Kaa' mangkuot kou, ‘Nakapandai kia i Aki Kapuuno'? Giu' Io ra sapapa' ru gaun am kalo makapangakim ritakau.’

MAZMUR 10:4

Ulun malaat kalo mampalio ra Tuhan; sabap ra ilo malilimbau, pangkaraan nilo i Aki Kapuuno' no kolondo'.

MAZMUR 107:17

Mokoondo' niayuk ulun budu am naimbolo' sabap ra tula nilo, am niayuk inimbolo' sabap ra laat nilo;

MAZMUR 53:1

Ra tingganai santimungan maririmbai. Sumugut ra rimbai: Ri Magalat. Sisindiron ri Daut.

MAZMUR 73:3

sabap ra sumolon aku ra ulun malilimbau, bulintok ra aku magilong ra ulun malaat lumangkaya'.

MAZMUR 92:6

Iou Tuhan, maatang kaga' binaal Muno! Malandom toojo pangkaraan Muno!

AMSAL 1:22

“Alii ra ulun budu! Kula' poyo buoi ra akau masauk ra budu? Kula' poyo buoi ra akau magasab ra katutunan? Sanggilan akau migigila'?

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

AMSAL 13:19

Mapara' piboo bobonsoi makaalap ra atan gogoton! Ulun sasambungon kalo masaga' manalikur ra kalaatan.

AMSAL 27:22

Kabalu' pana ulun sasambungon lambaan saboi malausan, sambung nano kalo matatak.

MAMPATANOU 7:20

Ra tana' ti kolondo' sangulun pana ondo' masalok mambaal ra moonsoi am kalo igondo' nambaal ra kalaatan.

JISAYA 1:4

Aibui boo ramuyun, alii ra bansa' ra makatula, alii ra ulun ondo' mapuka' am malaat! Tula mino napatibusu ramuyun! Inimpayan min Tuhan, i Aki Kapuuno' ondo' matulai, i Aki Kapuuno' ru Israil am tinatang min Io.

JIRIMIA 5:12

Ulun ru Tuhan mindagu ra baal ondo' kalo motopot intor ra Tuhan. Konilo, “Kolondo' atan pana baalon Nano. Kalo malumpa' takau ra karaat; kalo boo makaili' takau ra pangayawan kapoam bitilan.”

JIRIMIA 6:28

Ilo ngaangai' gugumuor ondo' mokotog guang, koson ra kinokotog ru tambaga' am basi'. Malaat paliso nilo am mugar mongoi ra ati-ati koson mampatanou ra tanou ondo' mampalaat ra ulun bokon.

MATIUS 12:34

Akau ulun malaat. Ginio poyo, ati kulaan kau makaindagu ra baal ondo' moonsoi? Sabap ra atan ondo' soroi ralalom ru guang, ginio noyo raguon ru kabang.

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

LUKAS 12:20

Kaa' indagu i Aki Kapuuno' riso, ‘Ulun sasambungon! Rondom ra raiti' niayuk patayan muno! Osoi mangalap ra ngaangai' ondo' tinimung muno galama'?’ ”

IPISUS 2:12

Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

1 SAMUIL 25:25

Pai' noyo lioo' i Nabal no, ulun ondo' kolondo' onong no. Sala ka kia inggalan nano galama' arati' no sasambungon? Kalio aku ra giu' i paat ra ulun-ulun sinusub muno nakasaboi.