MAZMUR 139:19 - Tanou Moonsoi Timugon

¹⁹ Iou Aki Kapuuno', potoyo' noyo ulun malaat, am painggaluro' noyo ulun-ulun mangalaat intor raki'!

MAZMUR 139:19 ပူးပေါင်းရင်းမြစ်များ

MAZMUR 119:115

Akau ulun malaat, inggalur kau raki'. Gumagaya' aku ra panusuban ri Aki Kapuuno' kuno.

MAZMUR 5:6

Kalo moorot Mu guang magilong ra ulun malilimbau; kasisangin Mu ngaangai' ulun malaat.

MAZMUR 55:23

Pataako' noyo pagalabaan muno ra Tuhan, am manungka' Io ramuyun; kalo polosoon No ulun mabanis guang kalaan.

MAZMUR 6:8

Mato kuno majapul am minangkut ra taatangi', ngaangai' no intor ra kinibit ru pantula'-pantula' kuno.

MAZMUR 64:7

Mangatang ilo ra malaat am mindagu, “Mangatang takau ra kalaatan ondo' malamog.” Malandom kaga' guang am pangkaraan ru ulun, saboi kalo mapandayan.

MAZMUR 9:17

Tuhan galama' napabala' ra Io no matimpok toojo; ulun malaat nakasulung sabap ra atan ondo' binaal nilo galama'.

MAZMUR 9:18

Kapatayan noyo pompor ru ngaangai' ulun mangalaat, ngaangai' ulun ondo' mangimpai ri Aki Kapuuno'.

MAZMUR 94:23

Ukumin No ulun malaat sabap ra kinalaat nilono, am mamuso risilo sabap ra tula nilono; Tuhan, i Aki Kapuuno' takau no ondo' mamuso risilo.

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 7:23

Kaa' tumaam Aku risilo, ‘Kalo nakaulig Aku ramuyun! Pagiru' kano intor Raki', akau ulun malaat!’ ”

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.