MAZMUR 139:13 - Tanou Moonsoi Timugon

¹³ Binangun Muno nansalinut tayar ru inan kuno; am tinalur Mu aku ra ralalom ru binunakan ru ina' kuno.

MAZMUR 139:13 ပူးပေါင်းရင်းမြစ်များ

AYUP 31:15

I Aki Kapuuno' namangun raki', am niayuk namangun ra ulipon-ulipon kuno.

MAZMUR 119:73

Okou noyo namangun am napasauk raki'; paratio' aku no mampaguang ra ukum Muno.

MAZMUR 71:6

Lumansan aku Rirun buoi ru painawo kuno; intor noyo ra aku kakaanak i, manindung Kou raki'. Masalok aku mongompor Rirun.

MAZMUR 95:6

Igulatur takano am sumamba Riso; igulatur takano ra saang ru Tuhan, namangun ritakau!

JISAYA 44:2

Aku noyo Tuhan ondo' namangun ramuyun, ondo' nambaal ramuyun intor poyo ra akau tininai', am Aku mangindangan ramuyun. Pai' noyo kalaa'; akau ulipon Kuno, ulun pinili' Kuno ondo' tagamin Kuno.

JISAYA 46:3

“Rongogo' Aku no, akau papag ri Jakub, akau ngaangai' ondo' ulun Kuno ra naayag. Aku nagalung ramuyun intor poyo ra akau inanak.

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

1 KORINTUS 12:17

Amon ru ngaangai' inan no masauk ra mato, ati kulaan io mokorongog? Kapoam, amon ru ngaangai' inan no masauk ra talingo, ati kulaan io makapangalok?