MAZMUR 138:7 - Tanou Moonsoi Timugon

⁷ Bulintok ra aku natiu' ra kapaganan, alungin Mu aku; anggalon Mu pantula' kuno ondo' malaat, am bayagon Mu aku ra kuasa' Muno.

MAZMUR 138:7 ပူးပေါင်းရင်းမြစ်များ

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

MAZMUR 85:6

Sabuoi-buoi kia Okou sumangit ramon? Kalo kia mapandai malulu' sangit Muno?

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

AYUP 13:15

Polosoon i Aki Kapuuno' mamatoi raki' sabap ra nakai' noyo guang kuno, kaa' manaung aku ra baal kuno ra saang Nano.

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

MAZMUR 60:5

Okou nangkinibit ra ulun Muno naimbolo' toojo, suku' akai kakasumpil koson ra nagauk.

MAZMUR 17:7

Patalango' noyo togom Muno ondo' makaimuag no, am bayago' noyo ulun ondo' sumindung Rirun; ra umbir Muno naayag aku intor ra ngaangai' pantula'.

MAZMUR 77:10

Nalilianan kia ri Aki Kapuuno' makaasi' ritakau? Siminangit Io kia, saboi kalo boo makaasi'?”

MAZMUR 44:3

Okou galama' nanginggalar ra ngaangai' bansa' maa' raginio ulun Muno mayan ra pagun nilo galama', inurana' Mu ngaangai' bansa' ra bokon, kaa' napasauk ra ulun Muno ra langkaya'.

MAZMUR 18:35

Mangubas Io raki' koson mangayou, maa' raginio makabakur ku tanggayan ru panah ra mapakil kaga' no.

MAZMUR 56:9

Okou nakapandai mapara' labo ru guang kuno; nakapandai Kou mapara' suang ru lomou kuno. Sala ka kia nakatulis ngaangai' no ra kitab Muno?

MAZMUR 20:6

Akai pana magilakup ra okou namanang, am mangantak ra namanangan muno ra mongompor ri Aki Kapuuno' takau. Gama' iowon ru Tuhan no nansalinut kitaakon muno.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 57:16

Aku noyo napaayag ra ulun Kuno. Kalo rayusin Ku manguu' risilo, am kalo masalok sumangit risilo.

MAZMUR 18:17

Intor ra rasawat pinatutui ru Tuhan kalindu' Nano, ginuut No aku, am paingkualo' No aku intor ra timug ondo' malandom.

MAZMUR 18:18

Binayag No aku intor ra pantula' kuno ra maikang, am niayuk intor risilo ondo' masisang raki', sabap ra pagilayan kuno maikang ilo kaga'.