MAZMUR 136:16 - Tanou Moonsoi Timugon

¹⁶ Tiningganai No ulun Nano maya' ra tana' kaagisan; togom Nano mantilayun.

MAZMUR 136:16 ပူးပေါင်းရင်းမြစ်များ

NIGIMIA 9:12

Naningganai Kou risilo ra lugu' ru gaun paat ra matawang, Sinilau Mu ralan nilo ra lugu' ru apui paat ra molondom.

NIGIMIA 9:19

Kaa' kalo nangiruan Kou risilo giu' ra tana' kaagisan, sabap ra asi' Muno maayo kaga'! Kalo inalap Mu saguli' lugu' ru gaun kapoam lugu' ru apui ondo' nanulu' risilo ra ralan ra matawang am molondom.

MAZMUR 77:20

Mugar Kou maya' ra kinulun ru raat, lumaup Kou ra raat ondo' malandom, kaa' kalo makito baya' ru kalayam Muno.

KAINGKUALAN 13:18

Ginio ra nagibit Io risilo ra ralan lumimpuong mansail ra tana' kaagisan mongoi ra Raat Galaga. Paat ra ulun ru Israil nangiruan ra Misir, nanakinandoi ilo koson mongoi pangayou.

KAINGKUALAN 15:22

Kopongo raginio naningganai i Musa ra ulun ru Israil nangiruan ra Raat Galaga am subol ra tana' kaagisan Syur. Nangkiralan ilo mansail ra tana' kaagisan no buoi kataluan ra kalo nakatuum ra timug.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

SAGULION 11:5

Nakapandai kau ra atan ondo' binaal ru Tuhan ramuyun giu' ra tana' kaagisan ra kalo poyo nakasaboi kau ra intok ragitio.

SAGULION 8:15

Naningganai Io ramuyun mansail ra tana' kaagisan ondo' malangka' am makalalaa' no, intok ondo' inayanan ru kukuo makaanit am lingait. Giu' ra tana' ondo' mapua' am kolondo' timug no, napaingkual Io ramuyun ra timug intor ra bulur batu.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.