MAZMUR 134:2 - Tanou Moonsoi Timugon

² Patunuyo' noyo kalindu' mino liliwa' makiasi' giu' ra Baloi ru Tuhan, am omporo' noyo Tuhan!

MAZMUR 134:2 ပူးပေါင်းရင်းမြစ်များ

NIGIMIA 8:6

Kon ri Ijra, “Omporo' noyo Tuhan, i Aki Kapuuno' ondo' matulai!” Ngaangai' ru ulun no napainsawat ra kalindu' am taam, “Amin! Amin!” Kopongo raginio igulatur ilo samba ri Aki Kapuuno'.

MAZMUR 141:2

Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

MAZMUR 26:6

Iou Tuhan, mambagu' aku ra kalindu' tatandu' ra aku kolondo' sala, am lumiput aku ra altar Muno koson sumamba Rirun.

MAZMUR 28:2

Rongogo' aku no bulintok ra aku mampiau makiindangan, painsawaton ku longon kuno tumingkuang ra Baloi Muno ondo' matulai.

MAZMUR 63:2

Iou Aki Kapuuno', Okou noyo i Aki Kapuuno' kuno, moondom aku Rirun. Koson ra tana' mapua' paason ra timug, koson raginio niayuk paason aku Rirun.

MAZMUR 63:4

Togom Muno mokologo intor ra kaayagan, ginio ra mongompor aku Rirun.

MAZMUR 63:5

Maringkuanang aku Rirun buoi ru kaayagan kuno; painsawaton ku longon liliwa' makiasi' Rirun.

SULABOI 2:19

Ruruli' no tumirong ra mosorondom, am piawo' noyo Tuhan; pabalaa' ngai' suang ru guang muno am pakimasi' no koson ra anak-anak muno, anak-anak ondo' tatanga' maitilan giu' ra moonong lisangon ru ralan.

SULABOI 3:41

Ibok ukabo' guang takau ri Aki Kapuuno' giu' ra suruga' am pakiasi',

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.