MAZMUR 134:1 - Tanou Moonsoi Timugon

¹ Rimbai ru ratangan. Ibok, omporo' noyo Tuhan, akau ngaangai' ulipon ru Tuhan, ondo' mangandoi ra Baloi Nano bulintok molondom.

MAZMUR 134:1 ပူးပေါင်းရင်းမြစ်များ

1 TUNUNG RU BANSA' ISRAIL 9:23

Intor raginio ilo am papag nilo linayun nasauk ra ulun magalung ra kulobon garabang ru Baloi ru Tuhan.

1 TUNUNG RU BANSA' ISRAIL 9:27

Minayan ilo mamaar ra Baloi ru Tuhan, sabap ra musiti' ilo magalung ra Baloi ru Tuhan am mangukab ra kulobon-kulobon ra moonong susuab ti.

1 TUNUNG RU BANSA' ISRAIL 9:33

Kukula' ngambaloi intor ra ulun ru Liwi nangandoi koson ra maririmbai giu' ra Baloi ru Tuhan. Tingganai-tingganai ru sasambaloi nilo minayan giu' ra kukula' baloi giu' ra Baloi ru Tuhan. Kalo inanian ilo ra kandoi ra bokon sabap mangandoi ilo paat ra matawang am rondom.

2 TUNUNG RU BANSA' ISRAIL 29:11

Akau anak ku ngaangai', pai' no kalibut. Akau no ondo' pinili' ru Tuhan koson monolob ra kaminyan Riso, am niayuk maningganai ra mamagun koson sumamba Riso.”

2 TUNUNG RU BANSA' ISRAIL 35:5

Aturo' min bansa' min maa' raginio maindangan min moonong sasambaloi ru ulun ru Israil.

NIGIMIA 12:9

Ulun ra pulalai ru ulun maririmbai ondo' marimbai ra rimbai tumaam: I Bakbukia, Uni am ulun ru Liwi ra bokon.

MAZMUR 103:21

Omporo' noyo Tuhan, akau ngaangai' saujor ru suruga', akau ondo' nambaal ra kasagaan Nano!

MAZMUR 113:1

Omporo' noyo Tuhan! Akau ngaangai' ulipon ru Tuhan, omporo' noyo inggalan Nano!

MAZMUR 120:1

Rimbai ru ratangan. Bulintok ra aku makakapaganan, mampiau aku ra Tuhan, am iowon No pakiasian kuno.

MAZMUR 121:1

Rimbai ru ratangan. Tumingkuang aku tampilon ra gunung; ati kia intor ru pangindangan raki'?

MAZMUR 122:1

Rimbai ru ratangan ri Daut. Maansukan aku amon ulun mindagu raki', “Ibok no ongoi takau ra baloi ru Tuhan.”

MAZMUR 123:1

Rimbai ru ratangan. Mampulolou aku ra suruga', intokon Muno mamarinta; makiasi' aku Rirun, iou Tuhan.

MAZMUR 124:1

Rimbai ru ratangan ri Daut. Ati kulaan amon ru Tuhan no kalo mangindangan ritakau? Taamo', akau Israil!

MAZMUR 125:1

Rimbai ru ratangan. Ulun ondo' mangintopot ra Tuhan iono koson ra Bulur Sion, ondo' maikang, kalo mauyog ra sabuoi-buoi no.

MAZMUR 126:1

Rimbai ru ratangan. Bulintok ra Tuhan magibit ritakau sumaguli' ra Jirusalim, koson ayuk ra nagupi takau!

MAZMUR 127:1

Rimbai ru ratangan ri Raja' Salomo. Amon ru sala' ka Tuhan no mambaal ra baloi, banangan ayuk kandoi ru ulun-ulun mangngandoi; amon ru sala' ka Tuhan no manindung ra bandar, banangan ayuk ru ulun-ulun mantatamung no mangandoi.

MAZMUR 128:1

Rimbai ru ratangan. Pakaansuk noyo ulun ondo' gumagaya' ra Tuhan, ondo' maayag sumugut ra panusuban Nano.

MAZMUR 129:1

Rimbai ru ratangan. Okou Israil, tunungo' ati kulaan pantula' muno nangimbolo' rirun, intor poyo ra kinamuloko' muli.

MAZMUR 130:1

Rimbai ru ratangan. Intor ra liagu ru kapaganan, mampiau aku Rirun, iou Tuhan.

MAZMUR 130:6

Moondom aku ra Tuhan, makasail poyo intor ra sangulun upas maginaa ra susuab ti.

MAZMUR 131:1

Rimbai ru ratangan ri Daut. Iou Tuhan, kalo minsawat guang kuno, kalo malilimbau aku. Kalo gogoton ku baal-baal ra kalo makangkou, kapoam ondo' mapagon kaga' raki'.

MAZMUR 132:1

Rimbai ru ratangan. Iou Tuhan, karaa' noyo i Daut, am ngaangai' kapaganan ondo' sinaanan nano.

MAZMUR 133:1

Rimbai ru ratangan ri Daut. Mapara' piboo bonsoi am kinatasu' no, amon ru ulun ri Aki Kapuuno' mogogondo' guang!

MAZMUR 84:5

Mapara' piboo bansuk ru ulun ondo' minayan ra Baloi Muno, kalo langgain nilo rimbai mongompor Rirun.

IMAMAT 8:35

Musiti' kau soroi giu' ra kulobon ru Kim ru Tuhan orou am rondom buoi tulu' ngoorou, koson mambaal ra atan ondo' nanusuban noyo ru Tuhan. Amon ru kalo matoi kau. Baal ragitio noyo ondo' nanusuban ru Tuhan.”

LUKAS 2:37

Raino balu' ngoopor am apat ngambilor noyo kinatuo nano. Orou-rondom io soroi ra Baloi Tuhan koson makiasi' ri Aki Kapuuno' am mampali.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

PINAINTALANG 19:5

Morongog boo intor ra takhta no bolos mindagu, kono, “Akau ngaangai'; ulipon Nano am ngaangai' ulun, langkaya' am musikin am ondo' mangurumat Riso; Koompor noyo i Aki Kapuuno'.”

PINAINTALANG 7:15

Ginio sabap ra ilo ti migor ra saang ru takhta ri Aki Kapuuno' no, am mangandoi Riso ra orou-rondom ralalom Baloi Nano. Io ondo' nanturung ra takhta no sumambaya' am mangampin risilo.