MAZMUR 132:5 - Tanou Moonsoi Timugon

⁵ saboi makapambaal aku ra baloi ru Tuhan, intok ayanan ru Ondo' Maikang Kaga', i Aki Kapuuno' ondo' sambaan ri Jakub.”

MAZMUR 132:5 ပူးပေါင်းရင်းမြစ်များ

2 SAMUIL 6:17

Kopongo raginio pabantaa' nilo Kaban Nabantuan ra intok nano giu' ralalom kim ondo' pinatirong ru Raja' Daut koson ra Kaban Nabantuan no. Napataak Raja' Daut ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

2 SAMUIL 7:1

Nanindung Tuhan ra Raja' Daut intor ra ngaangai' taliasou ru pantula', saboi nakaayan io ra istana nano.

1 RAJA'-RAJA' 8:17

Indagu poyo Raja' Salomo, “Ama' kuli, Raja' Daut, nangatang koson mambaal ra rondo' baloi koson ra intok sumambayang ra Tuhan, i Aki Kapuuno' ru Israil.

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

1 TUNUNG RU BANSA' ISRAIL 15:12

Indagu Raja' Daut risilo, “Akau tingganai ru bansa'-bansa' ralalom bansa' ru Liwi. Ginio ra, akau am ulun ru Liwi ra bokon musiti' mamasau ra inan maa' raginio maalap min pakabanding Kaban Nabantuan ru Tuhan, i Aki Kapuuno' ru Israil, ra intok ondo' tinampos ku noyo.

1 TUNUNG RU BANSA' ISRAIL 15:3

Ginio ra nampiau Raja' Daut ra ngaangai' ulun ru Israil matong ra Jirusalim koson mapabanding ra Kaban Nabantuan ru Tuhan ra intok ondo' tinampos nano.

1 TUNUNG RU BANSA' ISRAIL 22:7

Indagu Raja' Daut ri Salomo, “Okou anak kuno, nabuoi noyo ginuang ku mambaal ra rondo' baloi koson mangurumat ra Tuhan i Aki Kapuuno' kuno.

1 TUNUNG RU BANSA' ISRAIL 28:2

Bigor Raja' Daut giu' ra saang nilo am indagu, “Rongogo' mamagun ku ngai'! Nabuoi aku no makaguang koson mambaal ra rondo' baloi ondo' mantilayun koson ra Kaban Nabantuan, sanaran ru kalayam ru Tuhan, i Aki Kapuuno' takau. Inula' ku noyo koson mambaal ra rondo' baloi intok sumamba Riso.

2 TUNUNG RU BANSA' ISRAIL 2:6

Kaa' osoi kia ondo' totopot makabaal ra baloi ri Aki Kapuuno'? Titikop ru limbowon no pana kalo sama' gayo koson masauk ra intok ayanan Nano. Ginio ra baloi ondo' baalon kuno Riso koson ayuk ra intok koson monolob ra kaminyan ri Aki Kapuuno'.

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

IPISUS 2:22

Ralalom pasimpungan min ri Kristus, akau niayuk nababaya' ra ngaangai' ulun ra bokon pasaukon ra baloi ri Aki Kapuuno', ioginio randanan ru Ambiluo Nano.