MAZMUR 132:17 - Tanou Moonsoi Timugon

¹⁷ Giu' ra Sion sangulun papag ri Daut pasaukon Ku ra raja' ondo' urumaton toojo, paikangon Ku pamarintaan ru raja' pinili' Kuno.

MAZMUR 132:17 ပူးပေါင်းရင်းမြစ်များ

1 RAJA'-RAJA' 11:36

Kaa' iowon Ku anak ungkuyon ri Salomo mamarinta ra rondo' bansa' maa' raginio magail Aku mokoondo' sangulun intor ra papag ru ulipon Kuno i Daut koson mamarinta ra Jirusalim, bandar ondo' pinili' Kuno koson ra intok sambayangan Raki'.

1 RAJA'-RAJA' 15:4

Kaa' sabap ri Raja' Daut, Tuhan, i Aki Kapuuno' nano nanaak ra Raja' Abiam no ra sangulun anak ungkuyon ondo' namarinta giu' ra Jirusalim nalupus Raja' Abiam, am koson mapaikang ra bandar no.

2 RAJA'-RAJA' 8:19

kaa' kalo masaga' Tuhan mamuso ra Jiuda, sabap ra bantu' Nano ra ulipon Nano Raja' Daut ra papag ru Raja' Daut mamarinta ra sabuoi-buoi no.

2 TUNUNG RU BANSA' ISRAIL 21:7

kaa' Tuhan marara' mamuso ra raja' papag ru Raja' Daut, sabap ra binantu' noyo ru Tuhan ra Raja' Daut ra papag nano mamarinta ra sabubuoi no.

MAZMUR 148:14

Kinaikang No ulun Nano, maa' raginio omporon Io ru ngaangai' ulun Nano, ulun ru Israil ondo' tinagaman Nano. Omporo' noyo Tuhan!

MAZMUR 89:25

Tatagamin Ku io am gagayaan Ku io; masalok aniin Ku io ra banang.

MAZMUR 92:10

Makapandai akai ra pantula' Muno pusoon, am ngaangai' ulun malaat kalaan.

YEHEZKIEL 29:21

Paat ra masauk baal raginio, saukon Ku ulun ru Israil ra bansa' ondo' maikang. Baalon Tokou Yehezkiel, mindagu risilo, maa' raginio makapandai ilo ra Aku noyo Tuhan.”

LUKAS 1:69

Nanusub Io ra Mamamayag ondo' maikang matong ritakau, intor ra papag ru raja' Daut, ulipon Nali.

1 SAMUIL 2:10

Pantula'-pantula' ru Tuhan mapuso; maningkalur Io intor ra limbowon koson gumula' risilo. Mangakim Tuhan no ra titikop ru tana' ti; Manaak Io ra kuasa' ra raja', am manaak ra kamanangan ra raja' pilion Nano.”