MAZMUR 132:11 - Tanou Moonsoi Timugon

¹¹ Tuhan nambaal ra bantu' am pator ri Daut; suguton No bantu' Nano. Kon No, “Sangulun ra anak muno saukon Ku ra raja', koson mamarinta am sumuali rirun.

MAZMUR 132:11 ပူးပေါင်းရင်းမြစ်များ

2 SAMUIL 7:12

Amon ru saboi ra pupus ru bayag muno, am lobongon kou ra kalabangan ru kinamatuaan muno, sangulun intor ra anak ungkuyon muno saukon Ku ra raja', am kapioton Ku pamarintaan nano.

2 SAMUIL 7:14

Masauk Aku ra ama' nano am masauk io ra anak Kuno. Paat ra io mambaal ra sala, mangukum Aku riso koson ra sangulun ama' mangukum ra anak nano.

2 SAMUIL 7:16

Magail kou mokoondo' ra papag am patilayunon Ku pamarintaan muno. Pamarintaan muno kolondo' pupus.’ ”

1 RAJA'-RAJA' 1:48

liliwa' makiasi', ‘Koompor Kono, iou Tuhan, i Aki Kapuuno' ru Israil. Paat ra orou raiti' nampalantik Kou noyo ra sangulun ra papag kuno masauk ra raja' malit raki'. Nangiou Kono raki' tumainu raginio!’ ”

1 RAJA'-RAJA' 8:25

Ginio ra, iou Tuhan, i Aki Kapuuno' ru Israil, suguto' niayuk bantu' Muli ondo' rondo' poyo ra ama' kuli. Minindagu Kou riso ra intor ra papag nano magail mokoondo' sangulun koson mamarinta koson ra raja' ru Israil, ondo' ayuk ra ilo totopot gumagaya' Rirun koson ra Raja' Daut.

2 TUNUNG RU BANSA' ISRAIL 6:16

Ginio ra iou Tuhan, i Aki Kapuuno' ru Israil, suguto' niayuk bantu' ondo' rondo' poyo ra ama' kuli. Minindagu Kou riso ra intor ra papag nano, magail mokoondo' sangulun koson mamarinta koson ra raja' ru Israil, ondo' ra ilo gumagaya' ra Ukum Muno koson ra Raja' Daut.

2 TUNUNG RU BANSA' ISRAIL 7:18

suguton Ku bantu' Kuno ra ama' muli i Daut, paat ra Aku minindagu riso ra Israil magail parintaan ru papag nano.

MAZMUR 110:4

Nambaal Tuhan ra bantu' am kalo luguton No sagulio' bantu' Nano, “Sabubuoi no okou masauk ra imam, koson ri Milkisidik.”

MAZMUR 89:33

ukumin Ku ilo sabap ra tula nilo, am mangkinibit ra ilo maimbolo' sabap ra nasalaan nilo.

MAZMUR 89:35

Kalo luguton Ku bantu' Kuli riso, kapoam mampalugut ra atan-atan ayuk pana bantu' ondo' binaal Kuli riso.

MAZMUR 89:37

Mansusugul papag nano, am alungin Ku pamarintaan nano buoi ru mato ru orou soroi.

MAZMUR 89:5

‘Sabuoi-buoi no panturungan muno ingain Ku, sayat muno mansusugul masauk ra raja'.’ ”

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

LUKAS 1:32

Masauk Io ra sangulun ondo' maatang kaga' am Io ti sabiton Anak ru Tuhan Ondo' Masawat Kaga'. Saukon Io ri Aki Kapuuno' ra sangulun raja', koson ra kinamatuaan Nali, i raja' Daut.

RINALATAN 2:30

I Aki Kapuuno' nambantu' noyo ri Daut nabaya' ra ibot ra sangulun intor ra papag ri Daut saukon ra raja' koson ri Daut galama'. Nakapandai i Daut raginio sabap ra io sangulun nabi niayuk,

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

1 SAMUIL 15:29

I Aki Kapuuno' ondo' matulai, i Aki Kapuuno' ru Israil no kalo nagabau am kalo nangulau ra ginuang Nano, sabap ra Io sala' ka ulun.”